اعمال 8:14 - کِتاب مُقدّس سرائیکی ترجمہ

¹⁴ جِیں ویلے یروشلیم ءچ رسُولاں سُنڑیا جو سامریہ دے لوکاں خُدا دا کلام قبول کر گِھدے تاں پطرس تے یُوحنّا کُوں اُنہاں کولھ بھیجیا۔

اعمال 8:14 Referans Kwoze

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

اعمال 8:1

تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

2تھِسّلُنیکیوں 2:10

تے او ہلاک تھیوݨ آلیاں کیتے بُرائی دے ہر طرحاں دے دوکھے استعمال کریسی۔ او لوک اِیں واسطے ہلاک تھیسن جو اُنہاں حق کُوں قبول کرݨ تُوں اِنکار کیتے جیندے وسیلے او نجات پا سگدے ہَن۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

اعمال 15:4

جِیں ویلے یروشلیم پُجے تاں کلیسیا، رسُول تے بزُرگ اُنہاں کُوں خوشی نال مِلے تے اُنہاں سبھ کُجھ بیان کیتا جیہڑا خُدا اُنہاں دی معرفت کیتا ہا۔

اعمال 11:1

تے یہُودیہ دے علاقے ءچ راہنڑ آلے رسُولاں تے بِھرانواں سُنڑیا جو غیر قوماں وی خُدا دا کلام قبول کیتے۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

یُوحنّا 12:48

جیہڑا کوئی میڈے اُتے اِیمان نئیں رکھیندا تے میڈے گالھیں کُوں قبول نئیں کریندا، ہِک ہے جیہڑا اُوندی عدالت کریسی یعنی جیہڑا کلام مَیں کیتے، آخری ڈینہہ اُوہو اُونکُوں سزا دے لائق کھڑیسی۔

لُوقا 22:8

یسُوع پطرس تے یُوحنّا کُوں ایہ آکھ تے بھیجیا جو ”ساڈے کیتے فسح کھاوݨ دی تیاری کرو۔“

متّی 13:23

پر جیہڑا چنگی زمین ءچ رہایا گِیا اُوں بیج وانگُوں ہے جیہڑا کلام کُوں سُنڑدے تے سمجھدے تے پھل وی گِھن آندے، کوئی سو گُنا، کوئی سَٹھ گُنا تے کوئی ترِیح گُنا۔“