اعمال 8:1 - کِتاب مُقدّس سرائیکی ترجمہ

¹ تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

اعمال 8:1 Referans Kwoze

اعمال 22:20

تے جِیں ویلے تیڈے شہید ستِفُنس دا خون وہایا ویندا پِیا ہا تاں مَیں وی اُتھائیں موجود ہم تے اُوندے قتل اُتے راضی تے اُونکُوں قتل کرݨ آلیاں دے کپڑیاں دی حفاظت کریندا پِیا ہم۔‘

اعمال 7:58

تے اُونکُوں شہر کنُوں باہر کڈھ تے سنگسار کرݨ لگے تے اُوندے خلاف گواہی ڈیوݨ آلیاں آپنڑے کپڑے ساؤل ناں دے ہِک جوان دے پیراں کولھ رکھ ڈِتے۔

اعمال 5:40

اُنہاں اُوندی گالھ مَن گِھدی تے رسُولاں کُوں سڈ تے اُنہاں کُوں کوڑے مروائے تے ایہ حُکم ڈے تے چھوڑ ڈِتا جو یسُوع دا ناں گِھن تے گالھ نہ کرائے۔

اعمال 5:33

او ایہ سُنڑ تے کوڑیج گئے تے چاہندے ہَن جو اُنہاں کُوں قتل کر ڈیوݨ،

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 8:14

جِیں ویلے یروشلیم ءچ رسُولاں سُنڑیا جو سامریہ دے لوکاں خُدا دا کلام قبول کر گِھدے تاں پطرس تے یُوحنّا کُوں اُنہاں کولھ بھیجیا۔

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

اعمال 8:4

بس جیہڑے تِتربِتر تھئے ہَن او جاہ جاہ کلام دی خوشخبری سُنڑیندے ریہے۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

عبرانیوں 11:27

اِیمان دی وجہ کنُوں ای اُوں بادشاہ دی کاوڑ کنُوں خوف نہ کھادا تے مِصر چھوڑ ڈِتا۔ او اِینویں ثابت قدم ریہا جِینویں اَن ڈِٹھے خُدا کُوں ڈِٹھا ہووے۔

فِلِپّیوں 1:12

بِھراؤ! مَیں تُہاکُوں ڈساوݨ چاہندا ہاں جو جیہڑا کُجھ میڈے اُتے گُزرے او خوشخبری ودھاوݨ دا سبب بنڑیا ہے۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

اعمال 7:38

ایہ اُوہو ہے جیہڑا بیابان دی جماعت ءچ اُوں فرشتہ دے نال وی ہا جیہڑا کوہ ِ سِینا اُتے اُوندے نال ہم کلام تھیّا، تے ساڈے پِیُو ڈاڈا دے نال وی ہا۔ اُونہی کُوں زندہ کلام مِلیا جو ساڈے تئیں پُچا ڈیوے۔

اعمال 5:20

”ونجو ہیکل ءچ کھڑے تھی تے اِیں زندگی دے بارے ءچ سارے گالھیں لوکاں کُوں ڈساؤ۔“

اعمال 5:18

تے رسُولاں کُوں گرفتار کروا تے جیل ءچ سَٹ ڈِتا۔

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

متّی 23:34

اِیں واسطے ڈیکھو، مَیں نبیاں تے داناواں تے شریعت دے عالماں کُوں تُہاڈے کولھ بھجیندا ہاں۔ تُساں اُنہاں ءچوں کُجھ کُوں قتل تے مصلُوب کریسو تے کُجھ کُوں آپنڑے عبادت خانیاں ءچ کوڑے مریسو، تے ہر شہر ءچ سَتیندے راہسو۔

متّی 22:6

تے بئیاں اُوندے نوکراں کُوں پکڑ تے اُنہاں دی بے عزتی کیتی تے قتل کر ڈِتا۔

متّی 5:13

تُساں زمین دے نمک ہیوے، پر جے نمک دا مزہ ویندا راہوے تاں او کیہڑی چیز نال نمکین کیتا ویسی؟ وَل او کہیں کم دا نئیں سوائے اِیندے جو باہر سَٹ ڈِتا ونجے تے لوکاں دے پیراں تلے لتاڑیا ونجے۔

اعمال 7:54

جِیں ویلے صدر ِ عدالت آلیاں ایہ گالھیں سُنڑیاں تاں کوڑیج گئے تے اُوندے اُتے ڈند پِیہوݨ لگے۔

اعمال 8:2

کُجھ اِیماندار لوکاں ستِفُنس کُوں دفنایا تے اُوندے اُتے وڈا ماتم کیتا۔

اعمال 8:5

تے فِلپُس سامریہ شہر ءچ وَنج تے لوکاں ءچ المسیح دی تبلیغ کرݨ لگا۔

اعمال 13:36

کیوں جو داؤد تاں آپنڑے زمانہ ءچ خُدا دا مقصد پُورا کرݨ دے بعد موت دی نیندر سَم گِیا تے آپنڑے پِیُو ڈاڈا نال دفن تھیّا تے اُوندے سڑن دی نوبت آئی۔

اعمال 26:10

اِیں واسطے مَیں یروشلیم ءچ اِینویں ای کیتا۔ مَیں سردار کاہِناں کنُوں اِختیار گِھن تے بہُوں سارے مُقدّساں کُوں قید ءچ سٹیا تے جِیں ویلے اُنہاں کُوں سزائے موت سُنڑائی ویندی ہئی تاں مَیں وی اِیہو صلاح ڈیندا ہم۔

رومیوں 1:32

بھانویں او خُدا دا ایہ حُکم جانڑدے ہِن جو ایجھے کم کرݨ آلے موت دی سزا دے حقدار ہِن، وَل وی نہ صرف او آپ اِیہو کم کریندے ہِن بلکہ ایجھا کرݨ آلے کُوں چنگا سمجھدے ہِن۔