اعمال 7:8 - کِتاب مُقدّس سرائیکی ترجمہ

⁸ تے خُدا ابرہام نال عہد کیتا جِیندا نشان ختنہ کرواوݨ ہا۔ تے اِینویں ابرہام تُوں اِضحاق پیدا تھیّا تے اٹھویں ڈینہہ اُوندا ختنہ کیتا گِیا تے اِضحاق تُوں یعقُوب تے یعقُوب تُوں بارہاں قبیلیاں دے بزُرگ پیدا تھئے۔

اعمال 7:8 Referans Kwoze

اعمال 2:29

بِھراؤ! مَیں قوم دے بزُرگ داؤد دے حق ءچ تُہاکُوں دلیری نال آکھ سگدا ہاں جو او مر گِیا تے دفن وی تھیّا تے اُوندی قبر اَج تئیں ساڈے ءچ موجود ہے۔

عبرانیوں 7:4

ہُنڑ غور کرو جو ایہ کیجھا عظیم بندہ ہا، جِینکُوں ساڈی قوم دے بزُرگ ابرہام لُٹے ہوئے مال ءچوں ڈاہواں حصہ ڈِتا۔

گلتِیوں 3:17

میڈا مطلب ایہ ہے جو او عہد جیندی تصدیق خُدا پہلے ای کر ڈِتی ہئی، اُونکُوں شریعت جیہڑی چار سو ترِیح سال بعد آئی، ختم نئیں کر سگدی تے نہ اُوں وعدے کُوں منسوخ کر سگدی ہے۔

گلتِیوں 3:15

بِھراؤ! مَیں اِنسانی زندگی دی ہِک مثال ڈیندا ہاں جو بھانویں کوئی اِنسانی معاہدہ ای ہووے، جڈاں اُوندی تصدیق تھی گئی ہووے تاں نہ کوئی اُونکُوں ختم کر سگدے تے نہ ای اُوندے ءچ کُجھ ودھا سگدے۔

رومیوں 4:10

پر او کیہڑی حالت ءچ راستباز شمار کیتا گِیا؟ ختنہ کرواوݨ تُوں بعد ءچ یا پہلے؟ ایہ اُوندے ختنہ کرواوݨ تُوں پہلے دی گالھ ہئی نہ جو بعد دی۔

یُوحنّا 7:22

پر اِیں سببّوں جو مُوسیٰ تُہاکُوں ختنے دا حُکم ڈِتے، (حالانکہ او مُوسیٰ دی طرفوں نئیں بلکہ پِیُو ڈاڈا کنُوں آندا پِیا ہے،) تُساں سبت دے ڈینہہ آپنڑے بالاں دا ختنہ کریندے ہیوے۔

متّی 1:2

ابرہام تُوں اِضحاق جمیا تے اِضحاق تُوں یعقُوب جمیا تے یعقُوب تُوں یہُوداہ تے اُوندے بِھرا جمے۔