اعمال 7:38 - کِتاب مُقدّس سرائیکی ترجمہ

³⁸ ایہ اُوہو ہے جیہڑا بیابان دی جماعت ءچ اُوں فرشتہ دے نال وی ہا جیہڑا کوہ ِ سِینا اُتے اُوندے نال ہم کلام تھیّا، تے ساڈے پِیُو ڈاڈا دے نال وی ہا۔ اُونہی کُوں زندہ کلام مِلیا جو ساڈے تئیں پُچا ڈیوے۔

اعمال 7:38 Referans Kwoze

رومیوں 3:2

ہر لحاظ نال بہُوں سارا ہے۔ خاص طور تے ایہ جو خُدا دا کلام اُنہاں دے سپُرد کیتا گئے۔

عبرانیوں 5:12

وقت دے حساب نال تاں ہُنڑ تئیں تُہاکُوں اُستاد ہوونڑا چاہیدا ہا پر ہُنڑ تئیں اِیں گالھ دی لوڑ ہے جو کوئی بندہ تُہاکُوں خُدا دے کلام دے بنیادی اصُول ولا سِکھاوے۔ تُہاکُوں روٹی کھاوݨ دی نئیں بلکہ کھیر پِیوݨ دی لوڑ ہے۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

اعمال 7:53

تُساں فرشتیاں دے ذریعے شریعت تاں پائی پر عمل نہ کیتا۔“

یُوحنّا 1:17

کیوں جو شریعت تاں مُوسیٰ دے وسیلے ڈِتی گئی پر فضل تے سچائی یسُوع مسیح دے وسیلے مِلی۔

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

عبرانیوں 2:2

کیوں جو جڈاں او کلام جیہڑا فرشتیاں دے ذریعے فرمایا گِیا ہا، قائم ریہا تے اُوندی ہر خلاف ورزی تے نافرمانی دی سزا مِلدی ہئی،

گلتِیوں 3:19

وَل شریعت کیوں ڈِتی گئی؟ او اِنسان دیاں نافرمانیاں ظاہر کرݨ کیتے بعد ءچ ڈِتی گئی تاں جو ابرہام دی اُوں اولاد دے آوݨ تئیں قائم راہوے جِیندا وعدہ کیتا گِیا ہا۔ تے شریعت فرشتیاں دے وسیلے نال ہِک درمیانی یعنی مُوسیٰ دی معرفت ڈِتی گئی۔

رومیوں 9:4

او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔

اعمال 7:35

جئیں مُوسیٰ دا اُنہاں ایہ آکھ تے اِنکار کیتا ہا جو ’کئیں تیکُوں حاکم تے قاضی مقرر کیتا؟‘ اُونہی کُوں خُدا حاکم تے چُھڑاوݨ آلا بنڑا تے اُوں فرشتہ دے ذریعے بھیجیا جیہڑا اُونکُوں جھاڑی ءچ نظریا ہا۔

اعمال 7:30

چالیہہ سال بعد کوہ ِ سِینا دے بیابان ءچ مُوسیٰ کُوں ہِک بلدی ہوئی جھاڑی دے شعلہ ءچ ہِک فرشتہ ڈِکھالی ڈِتا۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔