اعمال 7:35 - کِتاب مُقدّس سرائیکی ترجمہ

³⁵ جئیں مُوسیٰ دا اُنہاں ایہ آکھ تے اِنکار کیتا ہا جو ’کئیں تیکُوں حاکم تے قاضی مقرر کیتا؟‘ اُونہی کُوں خُدا حاکم تے چُھڑاوݨ آلا بنڑا تے اُوں فرشتہ دے ذریعے بھیجیا جیہڑا اُونکُوں جھاڑی ءچ نظریا ہا۔

اعمال 7:35 Referans Kwoze

لُوقا 19:14

پر اُوں شہر دے لوک اُوں کنُوں نفرت کریندے ہَن تے اُوندے پِچُھوں قاصداں دی زبانی پیغام روانہ کیتا جو ’اساں نئیں چاہندے جو ایہ ساڈے اُتے بادشاہی کرے۔‘

مُکاشفہ 15:3

تے او خُدا دے بندہ مُوسیٰ دا گیت تے لیلے دا گیت گاندے پئے ہَن، ”اے خُداوند، قادر ِ مُطلق خُدا! تیڈے کم کتنے عظیم تے عجیب ہِن۔ اے قوماں دے ازلی بادشاہ! تیڈیاں راہاں راست تے سچیاں ہِن۔

عبرانیوں 2:2

کیوں جو جڈاں او کلام جیہڑا فرشتیاں دے ذریعے فرمایا گِیا ہا، قائم ریہا تے اُوندی ہر خلاف ورزی تے نافرمانی دی سزا مِلدی ہئی،

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

اعمال 7:51

ضِدی لوکو، تُساں دل تُوں تے کَن تُوں اُنہاں آلی کار ہیوے جِنہاں دا ختنہ نہ تھیّا ہووے، تُساں رُوح القُدس دی ہمیشاں مخالفت کریندے ہیوے جِینویں تُہاڈے پِیُو ڈاڈا کریندے ہَن۔

اعمال 7:30

چالیہہ سال بعد کوہ ِ سِینا دے بیابان ءچ مُوسیٰ کُوں ہِک بلدی ہوئی جھاڑی دے شعلہ ءچ ہِک فرشتہ ڈِکھالی ڈِتا۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

اعمال 3:22

کیوں جو مُوسیٰ آکھیا ہا جو ’خُداوند خُدا تُہاڈے بِھرانواں ءچوں میڈے وانگُوں ہِک نبی پیدا کریسی۔ جیہڑا کُجھ او تُہاکُوں آکھے اُوندی سُنڑائے۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

یُوحنّا 19:15

بس او چیخنڑ لگے جو ”اُونکُوں گِھن وَنج! گِھن وَنج! اُونکُوں صلیب اُتے چڑھا ڈے!“ پِیلاطُس آکھیا، ”کیا مَیں تُہاڈے بادشاہ کُوں صلیب اُتے چڑھا ڈیواں؟“ سردار کاہِناں آکھیا، ”قیصر دے علاوہ ساڈا کوئی بادشاہ نئیں۔“

یُوحنّا 18:40

او ولا چیخنڑ لگ گئے، ”اِینکُوں نئیں بلکہ برابّا کُوں۔“ برابّا ہِک ڈاکو ہا۔

مرقس 12:26

پر اِیں بارے ءچ جو مُردے زندہ تھیندے ہِن، کیا تُساں مُوسیٰ دی کتاب ءچ بلدی ہوئی جھاڑی دے بیان ءچ ایہ نئیں پڑھیا جو خُدا مُوسیٰ کُوں آکھیا، ’مَیں ابرہام دا خُدا تے اِضحاق دا خُدا تے یعقُوب دا خُدا ہاں؟‘