اعمال 6:15 - کِتاب مُقدّس سرائیکی ترجمہ

¹⁵ اُنہاں ساریاں، جیہڑے عدالت ءچ بیٹھے ہَن، ستِفُنس اُتے نِگاہ کیتی تاں ڈِٹھا جو اُوندا چہرہ فرشتے آلی کار ہے۔

اعمال 6:15 Referans Kwoze

متّی 13:43

اُوں ویلے راستباز آپنڑے باپ دی بادشاہی ءچ سورج وانگُوں چمکسنڑ۔ جیندے سُنڑݨ دے کَن ہووݨ او سُنڑ گِھنے۔

متّی 17:2

اُتھاں اُنہاں دے سامنڑے اُوندی شکل بدل گئی۔ اُوندا مُنہ سِجھ وانگُوں چمکنڑ پے گِیا تے اُوندا لباس نُور وانگُوں چِٹّا تھی گِیا۔

2کُرِنتھِیوں 3:18

اِیں واسطے شیشے آلی کار اساں ساریاں دے بے نقاب چہریاں تُوں خُداوند دا جلال ظاہر تھیندے تے اساں خُداوند دے رُوح القُدس دے وسیلے نال آہستہ آہستہ اُوندی جلالی صورت ءچ بدلدے ویندے ہیں۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

مرقس 8:25

وَل یسُوع دوبارہ آپنڑے ہتھ اُوں بندے دے اکھیں اُتے رکھے۔ اُوں غور نال نظر کیتی تے اُوندے اکھیں ٹھیک تھی گئیاں، تے او ہر چیز صاف صاف ڈیکھنڑ لگا۔

اعمال 7:1

وَل کاہِن ِ اعظم، ستِفُنس تُوں پُچھیا، ”کیا ایہ گالھیں سچیاں ہِن؟“