اعمال 6:11 - کِتاب مُقدّس سرائیکی ترجمہ

¹¹ اِیں تے اُنہاں کُجھ بندیاں کُوں سِکھا تے اکھوا بھیجیا جو ”اساں اِینکُوں مُوسیٰ تے خُدا دے برخلاف کُفر بَکدے سُنڑیا ہے۔“

اعمال 6:11 Referans Kwoze

1 تِیمُتھِیُس 1:13

بھانویں مَیں پہلے کُفر بَکنڑ آلا، اِیمانداراں کُوں ستاوݨ تے بے عزت کرݨ آلا ہم، پر خُدا میڈے اُتے رحم کیتا کیوں جو مَیں اِیمان گِھن آوݨ کنُوں پہلے تے نادانی ءچ ایہ سبھ کُجھ کیتا ہا۔

رومیوں 3:8

کیوں نہ ایہ آکھوں جو ”آؤ اساں بُرائی کرُوں تاں جو بھلائی تھیوے؟“ کُجھ لوک ساڈے اُتے اِلزام لیندے ہِن جو ساڈی تعلیم اِیہو ہے۔ پر ایجھے لوکاں دا مُجرم کھڑایا ونجنڑاں اِنصاف ہے۔

اعمال 25:7

جِیں ویلے پولُس حاضر تھیّا تاں یہُودیاں جیہڑے یروشلیم کنُوں آئے ہَن، اُوندے چودھارُوں کھڑے تھی تے بہُوں سارے سخت اِلزام لاوݨ شروع کر ڈِتے پر کوئی ثبوت پیش نہ کر سگے۔

اعمال 25:3

اُنہاں پولُس دی مخالفت ءچ گورنر کُوں درخاست کیتی جو او پولُس کُوں یروشلیم ءچ سڈوا بھیجے کیوں جو اُنہاں تاڑ لا تے اُونکُوں رستے ءچ مارݨ دا منصوبہ بنڑایا ہا۔

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“

اعمال 18:6

جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“

اعمال 15:21

کیوں جو ہر شہر ءچ پُرانڑے زمانے تُوں مُوسیٰ دی شریعت دی منادی کیتی گئی ہے تے او عبادت خانیاں ءچ ہر سبت کُوں سُنڑائی ویندی ہے۔“

اعمال 6:13

تے کُوڑے گواہ پیش کیتے جِنہاں آکھیا جو ”ایہ بندہ اِیں پاک مقام تے شریعت دے خلاف بولنڑ تُوں باز نئیں آندا،

یُوحنّا 16:3

تے او ایہ اِیں واسطے کریسن جو اُنہاں نہ تاں باپ کُوں جانڑیا نہ میکُوں۔

یُوحنّا 9:29

اساں جانڑدے ہیں جو خُدا مُوسیٰ نال کلام کیتے پر اِیں بندے کُوں نئیں جانڑدے جو ایہ کِتھوں دا ہے۔“

یُوحنّا 1:17

کیوں جو شریعت تاں مُوسیٰ دے وسیلے ڈِتی گئی پر فضل تے سچائی یسُوع مسیح دے وسیلے مِلی۔

اعمال 26:11

مَیں ہر ہِک عبادت خانہ ءچ اُنہاں کُوں سزا ڈیندا ہم تے کُفر بَکنڑ اُتے مجبور کریندا ہم۔ اُنہاں دی مخالفت ءچ مَیں اِتنا دیوانہ بنڑ گِیا جو مَیں ڈُوجھے مُلکاں دے شہراں ءچ وَنج تے وی اُنہاں کُوں سَتیندا ہم۔

اعمال 6:10

پر ستِفُنس رُوح القُدس دی مدد نال اِتنی دانائی نال کلام کریندا ہا جو او اُوندا مُقابلہ نہ کر سگے۔

اعمال 6:12

وَل او عوام تے بزُرگاں تے شریعت دے عالماں کُوں اُکسا تے ستِفُنس اُتے چڑھ گئے تے اُونکُوں پکڑ تے صدر ِ عدالت ءچ گِھن گئے۔