اعمال 6:1 - کِتاب مُقدّس سرائیکی ترجمہ

¹ اُنہاں ڈینہاں ءچ جِیں ویلے شاگرداں دی تعداد ودھدی ویندی ہئی تاں یُونانی بولنڑ آلے یہُودی، عبرانیاں دی شکایت کرݨ لگے جو ہر روز جِیں ویلے کھانڑا تقسیم تھیندا ہے تاں ساڈیاں بیوہ عورتاں کُوں نظر انداز کیتا ویندے۔

اعمال 6:1 Referans Kwoze

اعمال 4:35

تے رسُولاں دے پیراں ءچ رکھ ڈیندے ہَن تے او ہر ہِک کُوں اُنہاں دی ضرورت دے مطابق وَنڈ ڈیندے ہَن۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

یعقُوب 5:9

بِھراؤ! ہِک ڈُوجھے دی شکایت نہ کرو تاں جو تُہاڈی عدالت نہ تھیوے۔ ڈیکھو! مُنصف دروازے اُتے کھڑے۔

اعمال 9:39

پطرس اُٹھی تے اُنہاں نال ٹُر پِیا۔ جِیں ویلے اُتھاں پُجیا تاں اُونکُوں اُتلے کمرے ءچ گِھن گئے تے ساریاں بیوہ عورتاں روندیاں ہوئیاں اُوندے کولھ آ تے جیہڑے چولے تے کپڑے تبِیتا اُنہاں نال راہندے ہوئے بنڑائے ہَن، ڈِکھاوݨ لگیاں۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

فِلِپّیوں 3:5

اٹھویں ڈینہہ میڈا ختنہ تھیّا، مَیں اِسرائیلی قوم تے بِنیمِین دے قبیلہ ءچوں ہاں، عبرانیاں دا عبرانی۔ شریعت اُتے عمل کرݨ دے اعتبار نال مَیں فریسی ہاں،

اعمال 11:20

پر اُنہاں ءچوں کُجھ کُپرُس تے کُرین دے ہَن۔ او انطاکِیہ ءچ آ تے یُونانیاں کُوں وی خُداوند یسُوع دی خوشخبری دے گالھیں سُنڑاوݨ لگے۔

اعمال 9:41

اُوں ہتھ پکڑ تے اُونکُوں کھڑا کیتا تے مُقدّساں تے بیوہ عورتاں کُوں سڈ تے تبِیتا کُوں زندہ اُنہاں دے حوالے کیتا۔

اعمال 9:29

تے یُونانی بولنڑ آلے یہُودیاں نال گالھیں تے بحث وی کریندا ہا۔ پر او اُونکُوں قتل کرݨ دی کوشش کرݨ لگے۔

اعمال 5:14

اِیندے باوجود بہُوں سارے مرد تے عورتاں اِیمان گِھن آئے تے خُداوند دے مننڑ آلیاں دی تعداد ودھدی ویندی ہئی۔

اعمال 4:4

پر کلام سُنڑݨ آلیاں ءچوں بہُوں سارے اِیمان گِھن آئے، اِتُھوں تئیں جو اِیماندار مرداں دی تعداد پنج ہزار تھی گئی۔

عبرانیوں 13:1

برادرانہ محبت قائم رکھو۔

2کُرِنتھِیوں 11:22

کیا او عبرانی ہِن؟ مَیں وی ہاں۔ کیا او اِسرائیلی ہِن؟ مَیں وی ہاں۔ کیا او ابرہام دی اولاد ہِن؟ مَیں وی ہاں۔

اعمال 2:45

تے آپنڑا مال اسباب ویچ تے ہر ہِک کُوں اُوندی ضرورت دے مطابق پیسے وَنڈ ڈیندے ہَن۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

یعقُوب 4:5

کیا تُساں ایہ سوچیندے ہیوے جو خُدا دا کلام بے مقصد فرمیندے جو خُدا اُوں رُوح کیتے جیہڑا اُوں ساڈے دِلاں ءچ وسایا ہے غیرت رکھیندا ہے ؟

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

1 تِیمُتھِیُس 5:9

بیوہ عورتاں دی فہرست ءچ صرف اُوں بیوہ دا ناں لِکھیا ونجے جیندی عُمر سَٹھ سال تُوں زیادہ ہووے تے ہِک پئے دی زال ریہی ہووے،

1کُرِنتھِیوں 10:10

بُڑبُڑ نہ کرو جِینویں اُنہاں ءچوں کُجھ لوکاں بُڑبُڑ کیتی تے موت دے فرشتے دے ہتُھوں مارے گئے۔

اعمال 5:28

”اساں تاں تُہاکُوں سخت تاکید کیتی ہئی جو ایہ ناں گِھن تے تعلیم نہ ڈیوائے پر ڈیکھو تُساں سارے یروشلیم ءچ آپنڑی تعلیم پھیلا ڈِتی تے اُوں بندے دا خون ساڈی گردن اُتے رکھنڑ چاہندے ہیوے۔“

اعمال 6:2

وَل بارہاں رسُولاں، شاگرداں دی جماعت کُوں سڈ تے آکھیا، ”مناسب نئیں جو اساں خُدا دے کلام دی تبلیغ کُوں چھوڑ تے کھاوݨ پِیوݨ دا اِنتظام کرُوں۔

اعمال 11:26

تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

اعمال 11:29

بس شاگرداں فیصلہ کیتا جو آپنڑی آپنڑی مالی حیثیت دے مطابق، یہُودیہ ءچ راہنڑ آلے بِھرانواں دی مدد کیتے کُجھ نہ کُجھ بھیجُوں۔

رومیوں 12:7

یا جِینکُوں خدمت کرݨ دی نعمت مِلی ہووے، او خدمت ءچ مصروف راہوے۔ یا جِینکُوں تعلیم ڈیوݨ دی نعمت مِلی ہووے، او تعلیم ڈیندا راہوے۔

1 تِیمُتھِیُس 5:3

اُنہاں بیوہ عورتاں دا خیال رکھ، تے عزت کر جیہڑیاں واقعی ضرورت مند ہِن۔