اعمال 5:4 - کِتاب مُقدّس سرائیکی ترجمہ

⁴ کیا ویچنڑ کنُوں پہلے زمین تیڈی نہ ہئی؟ تے جِیں ویلے ویچی گئی تاں رقم تیڈے اِختیار ءچ نہ ہئی؟ تیڈے دل ءچ ایہ گالھ کِینویں آئی؟ تَیں اِنسان نال نئیں بلکہ خُدا نال کُوڑ مارے۔“

اعمال 5:4 Referans Kwoze

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

اعمال 5:9

پطرس اُونکُوں آکھیا، ”تُساں کیوں خُداوند دے رُوح القُدس کُوں ازماوݨ کیتے ایکا کیتے؟ ڈیکھ، جیہڑے لوکاں تیڈے پئے کُوں دفن کیتے، او دروازے تئیں پُج گئے ہِن تے تیکُوں وی باہر گِھن ویسن۔“

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

یعقُوب 1:15

وَل خواہش حاملہ تھی تے گُناہ پیدا کریندی ہے تے گُناہ بالغ تھی تے موت پیدا کریندے۔

فِلیمون 1:14

پر تیڈی اِجازت دے بغیر مَیں کُجھ کرݨ نئیں چاہندا تاں جو تیڈا نیک کم مجبوری نال نئیں بلکہ خوشی نال ہووے۔

1کُرِنتھِیوں 8:8

اصل ءچ کھانڑا ساکُوں خُدا دے نیڑے نہ گِھن آسی۔ جے اساں نہ کھاؤں تاں ساڈا کوئی نُقصان نئیں تے جے کھا گِھنوں تاں فائدہ وی نئیں۔