اعمال 5:33 - کِتاب مُقدّس سرائیکی ترجمہ

³³ او ایہ سُنڑ تے کوڑیج گئے تے چاہندے ہَن جو اُنہاں کُوں قتل کر ڈیوݨ،

اعمال 5:33 Referans Kwoze

اعمال 7:54

جِیں ویلے صدر ِ عدالت آلیاں ایہ گالھیں سُنڑیاں تاں کوڑیج گئے تے اُوندے اُتے ڈند پِیہوݨ لگے۔

اعمال 2:37

جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

متّی 24:9

اُوں ویلے لوک تُہاکُوں پکڑ تے سخت سزاواں ڈیسن تے قتل کریسن۔ تے سبھ قوماں میڈے ناں دے سببّوں تُہاڈے نال دُشمنڑی رکھیسن۔

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 10:21

بِھرا کُوں بِھرا تے پِیُو آپنڑے پوتر کُوں قتل کیتے پکڑویسی۔ تے بال آپنڑے ماء پِیُو دے خلاف کھڑے تھی تے اُنہاں کُوں مروا ڈیسن۔

اعمال 22:22

بِھیڑ اِیں گالھ تئیں تاں پولُس دی سُنڑدی ریہی۔ وَل اُچی اواز نال آکھنڑ پے گئی جو ایجھے بندے کُوں زمین تُوں ختم کر ڈے۔ او زندہ راہنڑ دے لائق نئیں۔

اعمال 9:23

جِیں ویلے بہُوں ڈینہہ لنگھ گئے تاں یہُودیاں اُونکُوں قتل کرݨ دا منصوبہ بنڑایا۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

لُوقا 20:19

اُونہی ویلے شریعت دے عالماں تے سردار کاہِناں اُونکُوں پکڑن دی کوشش کیتی کیوں جو او سمجھ گئے ہَن جو اُوں او مثال اُنہاں دے خلاف آکھی ہے، پر او لوکاں کنُوں ڈردے ہَن۔

لُوقا 6:11

شریعت دے عالم تے فریسی کاوڑ کنُوں پاگل تھی گئے تے آپس ءچ آکھنڑ لگے جو ”اساں یسُوع نال کیا کرُوں؟“

متّی 1:19

اِیں واسطے اُوندے پئے یُوسف، جیہڑا راستباز ہا تے اُونکُوں بدنام کرݨ نہ چاہندا ہا، اُونکُوں چُپ کر تے چھوڑ ڈیوݨ دا اِرادہ کیتا۔