اعمال 5:30 - کِتاب مُقدّس سرائیکی ترجمہ

³⁰ ساڈے پِیُو ڈاڈا دے خُدا، یسُوع کُوں مُردیاں ءچوں زندہ کیتا جِینکُوں تُساں صلیب اُتے چڑھا تے مار ڈِتا ہا۔

اعمال 5:30 Referans Kwoze

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

اعمال 10:39

اساں اُنہاں سارے کماں دے گواہ ہیں جیہڑے اُوں یہُودیاں دے مُلک تے یروشلیم ءچ کیتے۔ اُنہاں اُونکُوں صلیب اُتے چڑھا تے قتل کر ڈِتا۔

اعمال 22:14

وَل اُوں آکھیا جو ’ساڈے پِیُو ڈاڈا دے خُدا تیکُوں چُنڑ گِھدے تاں جو تُوں اُوندی مرضی کُوں جانڑیں تے اُوں راستباز کُوں ڈیکھیں تے اُوندے مُنہ دے گالھیں سُنڑیں۔

اعمال 13:33

جو خُدا یسُوع کُوں زندہ کر تے اُنہاں دی اولاد یعنی ساڈے کیتے اُونہی وعدہ کُوں پُورا کیتا۔ جِینویں ڈُوجھے زبُور ءچ لِکھیا ہے جو ’تُوں میڈا پوتر ہیں، اَج مَیں تیڈا باپ بنڑیا۔‘

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

لُوقا 1:72

تاں جو او ساڈے پِیُو ڈاڈے اُتے رحم کرے تے آپنڑے پاک عہد کُوں یاد فرماوے،

لُوقا 1:55

جیہڑی ابرہام تے اُوندی نسل نال ہمیشاں تئیں راہسی جِینویں اُوں ساڈے پِیُو ڈاڈے نال وعدہ کیتا ہا۔“