اعمال 5:26 - کِتاب مُقدّس سرائیکی ترجمہ

²⁶ وَل ہیکل دے محافظاں دا سردار آپنڑے سپاہیاں نال وَنج تے اُنہاں کُوں گِھن آیا پر زور نال نئیں کیوں جو لوکاں کنُوں ڈردے ہَن جو ساکُوں سنگسار نہ کرݨ۔

اعمال 5:26 Referans Kwoze

اعمال 5:13

پر ڈُوجھیاں ءچوں کہیں کُوں جُرأت نہ تھیندی ہئی جو اُنہاں ءچ شامل تھی ونجنڑ، بےشک لوک اُنہاں دی بہُوں عزت کریندے ہَن۔

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

اعمال 5:24

ہیکل دے محافظاں دے سردار تے سردار کاہِناں ایہ گالھیں سُنڑیاں تاں حیران تھئے تے سوچنڑ لگے جو ہُنڑ کیا تھیسی۔

لُوقا 22:2

تے سردار کاہِن تے شریعت دے عالم موقع دی تاڑ ءچ ہَن جو یسُوع کُوں کِینویں قتل کرݨ، کیوں جو لوکاں کنُوں ڈردے ہَن۔

لُوقا 20:19

اُونہی ویلے شریعت دے عالماں تے سردار کاہِناں اُونکُوں پکڑن دی کوشش کیتی کیوں جو او سمجھ گئے ہَن جو اُوں او مثال اُنہاں دے خلاف آکھی ہے، پر او لوکاں کنُوں ڈردے ہَن۔

لُوقا 20:6

تے جے آکھوں ’اِنسان دی طرفوں،‘ تاں لوک ساکُوں سنگسار کریسن کیوں جو او منیندے ہِن جو یُوحنّا نبی ہا۔“

متّی 26:5

پر آکھنڑ لگے جو ”عید دے ڈینہاں ءچ نئیں، اِینویں نہ تھیوے جو لوکاں ءچ ہنگامہ تھی ونجے۔“

متّی 21:26

پر جے آکھوں، ’اِنسان دی طرفوں،‘ تاں اساں عوام کنُوں ڈردے ہیں کیوں جو سبھ یُوحنّا کُوں نبی منیندے ہِن۔“

متّی 14:5

ہیرودیس یُوحنّا کُوں قتل کرݨ چاہندا ہا پر عوام کنُوں ڈر دا ہا کیوں جو او اُونکُوں نبی منیندے ہَن۔

متّی 26:58

پطرس وی پرے کنُوں اُوندے پِچُھوں پِچُھوں کاہِن ِ اعظم دی حویلی تئیں وَنج پُجیا، تے اندر وَنج تے پہرے آلیاں دے نال بہہ گِیا تاں جو ڈیکھے جو کیا تھیندے۔

لُوقا 22:4

اُوں وَنج تے سردار کاہِناں تے ہیکل دے محافظاں دے افسراں نال مشورہ کیتا جو اُونکُوں کِینویں اُنہاں دے حوالے کرے۔

اعمال 5:22

پر ہیکل دے محافظاں دے افسراں پُج تے اُنہاں کُوں قید خانہ ءچ نہ پاتا تے وَل آ تے خبر ڈِتی جو

اعمال 5:25

اُوں ویلے کہیں آ تے اُنہاں کُوں خبر ڈِتی جو ”ڈیکھو، او بندے جِنہاں کُوں تُساں قید کیتا ہا، ہیکل ءچ کھڑے لوکاں کُوں تعلیم ڈیندے پئے ہِن۔“