اعمال 5:20 - کِتاب مُقدّس سرائیکی ترجمہ

²⁰ ”ونجو ہیکل ءچ کھڑے تھی تے اِیں زندگی دے بارے ءچ سارے گالھیں لوکاں کُوں ڈساؤ۔“

اعمال 5:20 Referans Kwoze

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

متّی 21:23

جِیں ویلے یسُوع ہیکل ءچ آ تے تعلیم ڈیندا پِیا ہا تاں سردار کاہِناں تے قوم دے بزُرگاں اُوندے کولھ آ تے آکھیا، ”تُوں اِنہاں کماں کُوں کِیں اِختیار نال کریندیں؟ تے تیکُوں ایہ اِختیار کئیں ڈِتے؟“

اعمال 11:14

او تیکُوں ہِک ایجھا پیغام ڈیسی جیندے وسیلے تُوں تے تیڈا سارا خاندان نجات پیسی۔‘

یُوحنّا 18:20

یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 12:50

تے مَیں جانڑدا ہاں جو اُوندا حُکم ہمیشاں دی زندگی ہے۔ بس مَیں اُوہو آدھا ہاں جیندے آکھنڑ دا حُکم میکُوں باپ ڈِتے۔“

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

متّی 10:27

جیہڑا کُجھ مَیں تُہاکُوں اندھارے ءچ آدھا ہاں تُساں اُونکُوں سوجھلے ءچ آکھو۔ تے جیہڑا کُجھ تُساں کَن ءچ سُنڑدے ہیوے کوٹھیاں اُتے اُوندی تبلیغ کرو۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔