اعمال 5:2 - کِتاب مُقدّس سرائیکی ترجمہ

² اُوں آپنڑی ذال دے جانڑدے ہوئے قیمت ءچوں کُجھ رقم آپنڑے کولھ رکھ گِھدی تے باقی رقم رسُولاں دے پیراں ءچ رکھ ڈِتی۔

اعمال 5:2 Referans Kwoze

اعمال 4:37

اُوں آپنڑا کھیت ویچ تے پیسے رسُولاں دے پیراں ءچ رکھ ڈِتے۔

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

یُوحنّا 12:6

اُوں ایہ اِیں واسطے نہ آکھیا ہا جو اُونکُوں غریباں دی فِکر ہئی بلکہ اِیں واسطے جو او چور ہا تے اُوندے کولھ پیسے آلی تھیلی ہوندی ہئی تے جیہڑا کُجھ اُوندے ءچ سٹیا ویندا ہا، اُوندے ءچوں او کُجھ کڈھ گِھندا ہا۔

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

اعمال 2:44

جیہڑے اِیمان گِھن آئے ہَن او سارے کٹھے راہندے تے اُنہاں دیاں سبھ چیزاں سانجھیاں ہَن۔

اعمال 5:1

حننیاہ ناں دے ہِک بندے، تے اُوندی ذال سفیرہ آپنڑی کُجھ جائیداد ویچی۔

اعمال 5:8

پطرس اُوں کنُوں پُچھیا، ”میکُوں ڈسا، کیا تُساں اِتنے ءچ ای زمین ویچی ہئی؟“ اُوں آکھیا، ”ہاں، اِتنے ءچ ای۔“