اعمال 5:17 - کِتاب مُقدّس سرائیکی ترجمہ

¹⁷ اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

اعمال 5:17 Referans Kwoze

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

اعمال 17:5

پر یہُودیاں حسد دے سببّوں بازاری لوکاں ءچوں کُجھ بدمعاشاں کُوں آپنڑے نال گِھدا تے شہر ءچ ہنگامہ شروع کر ڈِتا تے یاسون دے گھر اُتے حملہ کر ڈِتا کیوں جو پولُس تے سِیلاس کُوں لوکاں دے سامنڑے گِھن آوݨ چاہندے ہَن۔

اعمال 7:9

بزُرگاں حسد ءچ آ تے یُوسف کُوں مِصریاں دے ہتھ ویچ ڈِتا۔ پر خُدا اُوندے نال ہا،

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

یُوحنّا 12:10

اِیں واسطے سردار کاہِناں لعزر کُوں وی مار گھتنڑ دا منصوبہ بنڑایا

متّی 27:18

کیوں جو اُونکُوں پتہ ہا جو اُنہاں اُونکُوں حسد نال پکڑوائے۔

یعقُوب 4:5

کیا تُساں ایہ سوچیندے ہیوے جو خُدا دا کلام بے مقصد فرمیندے جو خُدا اُوں رُوح کیتے جیہڑا اُوں ساڈے دِلاں ءچ وسایا ہے غیرت رکھیندا ہے ؟

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

اعمال 15:5

پر فریسیاں دے فرقہ ءچوں جیہڑے اِیمان گِھن آئے ہَن، کُجھ کھڑے تھی تے آکھنڑ لگے جو ”غیریہُودیاں ءچوں اِیمان گِھن آوݨ آلیاں دا ختنہ کراوݨ تے اُنہاں کُوں مُوسیٰ دی شریعت اُتے عمل کرݨ دا حُکم ڈیوݨ ضرور ہے۔“

اعمال 4:26

رب تے اُوندے المسیح دی مخالفت ءچ دُنیا دے بادشاہ اُٹھی کھڑے تھئے تے سردار جمع تھی گئے۔‘

اعمال 4:6

کاہِن ِ اعظم حنّا، کائفا، یُوحنّا، اِسکندر تے جِتّی سردار کاہِن دے گھرانڑے دے ہَن، یروشلیم ءچ جمع تھئے،

یُوحنّا 12:19

فریسیاں ایہ ڈیکھ تے ہِک ڈُوجھے کُوں آکھیا، ”کُجھ سوچو! ساڈے کنُوں کُجھ نئیں بنڑدا۔ ڈیکھو ساری دُنیا اُوندے پِچُھوں ٹُر پئی ہے۔“

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

اعمال 5:16

تے یروشلیم دے چارے پاسُوں دیاں وستیاں ءچوں بے شمار لوک بیماراں تے اُنہاں کُوں جِنہاں ءچ بدرُوحاں ہَن، آپنڑے نال گِھن آندے ہَن تے او سارے دے سارے چنگے کر ڈِتے ویندے ہَن۔