اعمال 4:33 - کِتاب مُقدّس سرائیکی ترجمہ

³³ تے رسُول وڈی قُدرت نال خُداوند یسُوع دے مُردیاں ءچوں زندہ تھیوݨ دی گواہی ڈیندے ہَن۔ تے اُنہاں ساریاں اُتے خُدا دا وڈا فضل ہا

اعمال 4:33 Referans Kwoze

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

1تھِسّلُنیکیوں 1:5

کیوں جو ساڈی خوشخبری صرف لفظاں نال نئیں بلکہ قُدرت، رُوح القُدس تے پُورے یقین نال تُہاڈے تئیں پُجی ہے۔ تُساں جانڑدے ہیوے جو اساں تُہاڈے وچال تُہاڈی خاطر کِینویں زندگی گُزریندے ہسے۔

اعمال 4:30

تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

لُوقا 2:52

تے یسُوع حِکمت تے قد ءچ ودھدا گِیا تے خُدا تے اِنسان دی نِگاہ ءچ مقبول تھیندا گِیا۔

مرقس 16:20

وَل شاگرداں نِکل تے جاہ جاہ تبلیغ کیتی، تے خُداوند اُنہاں دے نال کم کریندا ریہا، تے اُنہاں معجزیاں دے وسیلے نال جیہڑے نال نال تھیندے ہَن کلام کُوں ثابت کریندا ریہا۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔