اعمال 4:32 - کِتاب مُقدّس سرائیکی ترجمہ

³² اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

اعمال 4:32 Referans Kwoze

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

اعمال 2:1

جِیں ویلے عید ِ پِنتیکُست دا ڈینہہ آیا تاں او سارے ہِک جاہ تے جمع ہَن،

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

یُوحنّا 17:11

مَیں اگُوں تُوں دُنیا ءچ نہ راہساں پر او دُنیا ءچ ہِن تے مَیں تیڈے کولھ آندا ہاں۔ قدُّوس باپ! آپنڑے اُوں ناں دے وسیلہ نال جیہڑا تُوں میکُوں بخشیا ہے اُنہاں دی حفاظت کر، تاں جو او ہِک ہووݨ جِینویں اساں ہِک ہیں۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

رومیوں 12:5

اُونویں ای بھانویں اساں بہُوں سارے ہیں، وَل وی مسیح ءچ شامل تھی تے ہِک جِسم ہیں تے آپس ءچ ہِک ڈُوجھے دے اَنگ۔

اعمال 5:12

تے رسُولاں دے ہتُھوں بہُوں سارے معجزے تے عجیب کم لوکاں ءچ تھیندے ہَن۔ تے سارے اِیماندار ہِک دل تھی تے سُلیمان دے برانڈے ءچ جمع تھیندے ہَن۔