اعمال 4:29 - کِتاب مُقدّس سرائیکی ترجمہ

²⁹ ہُنڑ اے خُداوند! اُنہاں دیاں دھمکیاں کُوں ڈیکھ تے آپنڑے بندیاں کُوں آپنڑا کلام بہُوں جُرأت نال سُنڑاوݨ دی توفیق ڈے۔

اعمال 4:29 Referans Kwoze

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

اعمال 14:3

بس پولُس تے برنباس اُتھاں بہُوں عرصے تئیں ریہے تے خُداوند دے بھروسے تے دلیری نال کلام کریندے ہَن۔ خُداوند اُنہاں معجزیاں تے عجیب کماں دے ذریعے جیہڑے اُنہاں دے ہتُھوں تھیندے ہَن، آپنڑے فضل دے کلام کُوں برحق ثابت کریندا ریہا۔

فِلِپّیوں 1:14

تے میڈے قید تھیوݨ دی وجہ کنُوں اکثر بِھرا خُداوند ءچ اِتُھوں تئیں دلیر تھی گئین جو او بے خوف تے جُرأت نال خُدا دا کلام سُنڑاوݨ لگے ہِن۔

اعمال 4:31

جِیں ویلے اُنہاں دُعا کر گِھدی تاں او جاہ جِتھاں او جمع ہَن کمب گئی تے او سارے رُوح القُدس نال بھریج گئے تے او خُدا دا کلام جُرأت نال سُنڑاوݨ لگے۔

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

اعمال 28:31

او بہُوں دلیری نال خُدا دی بادشاہی دی خوشخبری سُنڑیندا تے خُداوند یسُوع المسیح دے بارے ءچ تعلیم ڈیندا ریہا تے کہیں اُونکُوں روکنڑ دی کوشش نہ کیتی۔

اعمال 19:8

وَل پولُس ترے مہینے تئیں عبادت خانہ ءچ وَنج تے دلیری نال خُدا دی بادشاہی دے بارے ءچ بحث کریندا تے لوکاں کُوں قائل کریندا ریہا۔

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

اعمال 9:27

پر برنباس اُونکُوں آپنڑے نال رسُولاں کولھ گِھن آیا تے اُنہاں کُوں ڈسایا جو ساؤل سفر کریندے ویلے کِینویں خُداوند کُوں ڈِٹھا تے خُداوند اُوندے نال گالھیں کیتیاں تے اُوں کیجھی دلیری نال دمشق ءچ یسُوع دے ناں نال تبلیغ کیتی۔

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

اعمال 9:28

بس ساؤل یروشلیم ءچ اُنہاں نال آندا ویندا ریہا تے دلیری نال خُداوند دے ناں دی تبلیغ کریندا،

2کُرِنتھِیوں 3:12

بس ایجھی اُمید رکھیندے ہوئے اساں بہُوں دلیر ہیں۔

1کُرِنتھِیوں 14:13

اِیں واسطے جیہڑا کوئی غیر زبان ءچ گالھیں کریندے، او دُعا کرے جو او اُوندا ترجمہ وی کر سگے۔