اعمال 4:17 - کِتاب مُقدّس سرائیکی ترجمہ

¹⁷ پر اِیں واسطے جو ایہ گالھ لوکاں ءچ مزید مشہور نہ تھیوے، اساں اُنہاں کُوں دڑکے ڈیسوں جو ولا یسُوع دا ناں گِھن تے کہیں نال گالھ نہ کرݨ۔“

اعمال 4:17 Referans Kwoze

اعمال 5:28

”اساں تاں تُہاکُوں سخت تاکید کیتی ہئی جو ایہ ناں گِھن تے تعلیم نہ ڈیوائے پر ڈیکھو تُساں سارے یروشلیم ءچ آپنڑی تعلیم پھیلا ڈِتی تے اُوں بندے دا خون ساڈی گردن اُتے رکھنڑ چاہندے ہیوے۔“

1تھِسّلُنیکیوں 1:8

خُداوند دا پیغام تُہاڈے وسیلے نہ صرف مَکِدُنیہ تے اَخیہ ءچ پھیل گِیا، بلکہ تُہاڈا اِیمان جیہڑا خُدا اُتے ہے، اُوندی خبر ہر جاہ ایجھی پھیل گئی ہے جو ہُنڑ ساڈے آکھنڑ دی کوئی ضرورت کائنی۔

اعمال 5:24

ہیکل دے محافظاں دے سردار تے سردار کاہِناں ایہ گالھیں سُنڑیاں تاں حیران تھئے تے سوچنڑ لگے جو ہُنڑ کیا تھیسی۔

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

متّی 27:64

اِیں واسطے حُکم ڈے جو تریجھے ڈینہہ تئیں قبر دی نِگرانی کیتی ونجے۔ کِتھائیں اِینویں نہ تھیوے جو اُوندے شاگرد آ تے لاش کُوں چوری کر تے گِھن ونجنڑ تے لوکاں کُوں آکھ ڈیوݨ جو او مُردیاں ءچوں زندہ تھی گِیا ہے، تے ایہ بعد دا دوکھا پہلے آلے دوکھے کنُوں وی بُرا ہووے۔“

متّی 9:30

تے اُنہاں دے اکھیں کُھل گئیاں تے یسُوع اُنہاں کُوں سختی نال آکھیا، ”خبردار کہیں کُوں پتہ نہ لگے۔“

یُوحنّا 15:21

پر او ایہ سبھ کُجھ میڈے ناں دی وجہ تُوں تُہاڈے نال کریسن کیوں جو او میڈے بھیجنڑ آلے کُوں نئیں جانڑدے۔

اِفِسیوں 6:9

مالکو! تُساں وی آپنڑے نوکراں نال ایجھا ای سلوک کرو۔ اُنہاں کُوں دھمکیاں نہ ڈیؤ کیوں جو تُساں جانڑدے ہیوے جو اُنہاں دا تے تُہاڈا ڈُوہائیں دا مالک اسمان اُتے ہے تے او کہیں دا طرفدار نئیں۔

1 پطرس 2:23

نہ اُوں مندھے کھا تے کڈھائیں مندھے کڈھے، تے نہ ڈُکھ چا تے کڈھائیں کہیں کُوں دڑکے ڈِتے، بلکہ آپنڑے آپ کُوں اِنصاف نال عدالت کرݨ آلے خُدا دے حوالے کر ڈِتا۔