اعمال 4:12 - کِتاب مُقدّس سرائیکی ترجمہ

¹² تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

اعمال 4:12 Referans Kwoze

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

1کُرِنتھِیوں 3:11

کیوں جو جیہڑی بنیاد رکھی گئی ہے او یسُوع مسیح ہے تے اُوندے علاوہ ہُنڑ کوئی بندہ ڈُوجھی بنیاد نئیں رکھ سگدا۔

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

لُوقا 24:47

تے اُوندے ناں ءچ یروشلیم کنُوں شروع کر تے ساریاں قوماں ءچ توبہ تے گُناہاں دی معافی دی تبلیغ کیتی ویسی۔

متّی 1:21

اُوندے پوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔“

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

عبرانیوں 12:25

خبردار! آپنڑے نال کلام کرݨ آلے دا اِنکار نہ کرائے کیوں جو جِیں ویلے بنی اِسرائیل زمین اُتے ہدایت کرݨ آلے دا اِنکار کر تے بچ نہ سگے تاں جے اساں اسمان کنُوں ہدایت کرݨ آلے دا اِنکار کریسوں تاں کِینویں بچ سگسوں؟

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

اعمال 2:5

اُوں ویلے دُنیا دی ہر قوم ءچوں خُدا ترس یہُودی، یروشلیم ءچ راہندے ہَن۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔