اعمال 3:23 - کِتاب مُقدّس سرائیکی ترجمہ

²³ جیہڑا بندہ اُوں نبی دی نہ سُنڑسی او اُمت ءچوں فنا کر ڈِتا ویسی۔‘

اعمال 3:23 Referans Kwoze

یُوحنّا 12:48

جیہڑا کوئی میڈے اُتے اِیمان نئیں رکھیندا تے میڈے گالھیں کُوں قبول نئیں کریندا، ہِک ہے جیہڑا اُوندی عدالت کریسی یعنی جیہڑا کلام مَیں کیتے، آخری ڈینہہ اُوہو اُونکُوں سزا دے لائق کھڑیسی۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

عبرانیوں 12:25

خبردار! آپنڑے نال کلام کرݨ آلے دا اِنکار نہ کرائے کیوں جو جِیں ویلے بنی اِسرائیل زمین اُتے ہدایت کرݨ آلے دا اِنکار کر تے بچ نہ سگے تاں جے اساں اسمان کنُوں ہدایت کرݨ آلے دا اِنکار کریسوں تاں کِینویں بچ سگسوں؟

عبرانیوں 10:39

پر اساں پِچھاں ہٹ تے ہلاک تھیوݨ آلے نئیں، بلکہ اِیمان رکھ تے نجات پاوݨ آلے ہیں۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

یُوحنّا 8:24

اِیں واسطے مَیں تُہاکُوں ڈسا ڈِتے جو تُساں آپنڑے گُناہاں ءچ مر سو، کیوں جو جے تُساں اِیمان نئیں گِھن آندے جو مَیں اُوہو ہاں تاں تُساں آپنڑے گُناہاں ءچ مرسو۔“

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔