اعمال 3:19 - کِتاب مُقدّس سرائیکی ترجمہ

¹⁹ بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

اعمال 3:19 Referans Kwoze

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

متّی 18:3

تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

متّی 13:15

کیوں جو اِیں اُمت دے دل اُتے چربی چڑھ گئی ہے تے او کَناں کنُوں اُچا سُنڑدے ہِن تے اُنہاں آپنڑے اکھیں بند کر گِھدیاں ہِن کِتھائیں اِینویں نہ تھیوے جو او اکھیں کنُوں ڈیکھنڑ تے کَناں نال سُنڑݨ دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

2تھِسّلُنیکیوں 1:7

تے تُہاکُوں ڈُکھ چاوݨ آلیاں کُوں ساڈے نال ارام ڈیوے۔ ایہ اُوں ویلے ہوسی جِیں ویلے خُداوند یسُوع آپنڑے زورآور فرشتیاں دے نال بھڑکدی ہوئی بھاہ ءچ اسمان ءچوں ظاہر تھیسی۔

اعمال 11:21

خُداوند دا ہتھ اُنہاں اُتے ہا تے بہُوں سارے لوک اِیمان گِھن آ تے خُداوند دو رجُوع تھئے۔

2 پطرس 3:8

عزیزو! ہِک گالھ کڈھائیں نہ بُھلائے جو خُداوند دی نظر ءچ ہِک ڈینہہ ہزار سال تے ہزار سال ہِک ڈینہہ دے برابر ہِن۔

اعمال 28:27

کیوں جو اِیں قوم دے دل اُتے چربی چڑھ گئی ہے۔ او اُچا سُنڑݨ لگے ہِن تے اُنہاں آپنڑے اکھیں بند کر گِھدیاں ہِن۔ کِتھائیں اِینویں نہ تھیوے جو او اکھیں کنُوں ڈیکھنڑ، تے کَناں نال سُنڑݨ، دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

اعمال 11:18

جِیں ویلے اُنہاں ایہ سُنڑیا تاں چُپ تھی گئے تے خُدا دی حمد کر تے آکھنڑ لگے جو ”وَل تاں خُدا غیر قوماں کُوں وی زندگی حاصل کرݨ کیتے توبہ کرݨ دی توفیق ڈِتی ہے۔“

لُوقا 1:16

تے بنی اِسرائیل دے بہُوں سارے لوکاں کُوں خُداوند دی راہ اُتے جیہڑا اُنہاں دا خُدا ہے ولا گِھن آسی۔

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

اعمال 17:26

اُوں ہِک بندے ءچوں لوکاں دی ہر قوم کُوں پیدا کیتا تاں جو پُوری زمین آباد تھیوے، تے اُوں اُنہاں دی زندگی دا وقت تے راہنڑ کیتے حد بندی مقرر کیتی۔

اعمال 15:3

بس کلیسیا اُنہاں کُوں روانہ کیتا تے او فینیکے تے سامریہ ءچوں تھیندے ہوئے، غیر قوماں دا مسیح اُتے اِیمان گِھن آوݨ دا بیان کریندے گئے تے اِیں خبر نال سبھ بِھرانواں کُوں خوش کریندے گئے۔

اعمال 3:21

پر یسُوع دا اسمان اُتے راہنڑ ضرور ہے جئیں تئیں او ساریاں چیزاں بحال نہ کر ڈِتیاں ونجنڑ جِنہاں دا ذِکر خُدا دُنیا دے شروع کنُوں آپنڑے پاک نبیاں دی زبانی کیتے۔

اعمال 1:6

جِیں ویلے رسُول یسُوع دے نال ہِک جاہ تے جمع ہَن تاں اُوں کنُوں ایہ پُچھیا، ”اے خُداوند! کیا تُساں اِیں ویلے ای اِسرائیل دی بادشاہی بحال کریسو؟“

مُکاشفہ 21:4

او اُنہاں دے اکھیں دے سارے ہنجُو پُونجھ ڈیسی۔ وَل نہ موت باقی راہسی نہ ماتم، نہ رووݨ تے نہ کوئی درد باقی راہسی کیوں جو پہلیاں چیزاں ویندیاں ریہیاں۔“

2 تِیمُتھِیُس 2:25

آپنڑے مخالفاں کُوں حلیمی نال سمجھاوے۔ شاید خُدا اُنہاں کُوں توبہ دی توفیق ڈیوے تے او سچائی کُوں پچھاݨ گِھننڑ۔

اعمال 3:20

تے اُوں المسیح یعنی یسُوع کُوں، جِینکُوں اُوں تُہاڈے کیتے مقرر کیتا، ولا بھیجے۔

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

لُوقا 22:57

پر اُوں ایہ آکھ تے اِنکار کیتا جو ”عورت! مَیں اُونکُوں نئیں جانڑدا۔“