اعمال 3:13 - کِتاب مُقدّس سرائیکی ترجمہ

¹³ ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

اعمال 3:13 Referans Kwoze

اعمال 7:32

جو ’مَیں تیڈے پِیُو ڈاڈا دا خُدا یعنی ابرہام، اِضحاق تے یعقُوب دا خُدا ہاں۔‘ وَل مُوسیٰ کمب گِیا تے اُونکُوں ڈیکھنڑ دی جُرأت نہ ریہی۔

متّی 22:32

’مَیں ابرہام دا خُدا تے اِضحاق دا خُدا تے یعقُوب دا خُدا ہاں؟‘ او مُردیاں دا خُدا نئیں بلکہ زندیاں دا خُدا ہے۔“

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔

یُوحنّا 19:15

بس او چیخنڑ لگے جو ”اُونکُوں گِھن وَنج! گِھن وَنج! اُونکُوں صلیب اُتے چڑھا ڈے!“ پِیلاطُس آکھیا، ”کیا مَیں تُہاڈے بادشاہ کُوں صلیب اُتے چڑھا ڈیواں؟“ سردار کاہِناں آکھیا، ”قیصر دے علاوہ ساڈا کوئی بادشاہ نئیں۔“

یُوحنّا 19:12

اِیندے بعد پِیلاطُس اُونکُوں چھوڑ ڈیوݨ دی کوشش کیتی پر یہُودی چیخ چیخ تے آکھنڑ لگے جو ”جے تُوں اِیں بندے کُوں چھوڑ ڈیسیں تاں تُوں رومی بادشاہ قیصر دا خیر خواہ نئیں۔ جیہڑا کوئی آپنڑے بادشاہ ہووݨ دا اعلان کریندے تاں او قیصر دا مخالف ہے۔“

یُوحنّا 18:40

او ولا چیخنڑ لگ گئے، ”اِینکُوں نئیں بلکہ برابّا کُوں۔“ برابّا ہِک ڈاکو ہا۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

اعمال 22:14

وَل اُوں آکھیا جو ’ساڈے پِیُو ڈاڈا دے خُدا تیکُوں چُنڑ گِھدے تاں جو تُوں اُوندی مرضی کُوں جانڑیں تے اُوں راستباز کُوں ڈیکھیں تے اُوندے مُنہ دے گالھیں سُنڑیں۔

یُوحنّا 12:16

اُوں ویلے تاں اُوندے شاگرد ایہ گالھیں نہ سمجھے پر جِیں ویلے یسُوع آپنڑے جلال کُوں پُجیا تاں اُنہاں کُوں یاد آیا جو ایہ سارے گالھیں اُوندے بارے ءچ لِکھیاں ہَن تے لوکاں اُوندے نال ایہ سلوک کیتا ہا۔

یُوحنّا 7:39

اُوں ایہ گالھ اُوں رُوح دے بارے ءچ آکھی جیہڑا یسُوع اُتے اِیمان رکھنڑ آلیاں اُتے نازل تھیوݨ آلا ہا، کیوں جو رُوح القُدس اجنڑ تئیں نازل نہ تھیّا ہا، اِیں واسطے جو یسُوع اجنڑ آپنڑے جلال کُوں نہ پُجیا ہا۔

لُوقا 23:4

پِیلاطُس سردار کاہِناں تے عوام کُوں آکھیا، ”مَیں اِیں بندے ءچ کوئی قصُور نئیں ڈیدھا۔“

مرقس 15:11

پر سردار کاہِناں بِھیڑ کُوں اُبھاریا، تاں جو پِیلاطُس اُنہاں کیتے برابّا کُوں ای چھوڑ ڈیوے۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

متّی 27:2

تے اُونکُوں بَدھ تے گِھن گئے تے گورنر پِیلاطُس دے حوالے کر ڈِتا۔

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

لُوقا 6:37

عیب جوئی نہ کرو، تُہاڈی وی عیب جوئی نہ کیتی ویسی۔ مُجرم نہ بنڑاؤ، تُساں وی مُجرم نہ بنڑائے ویسو۔ معاف کرو، تُہاکُوں وی معاف کیتا ویسی۔

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

اعمال 3:12

پطرس ایہ ڈیکھ تے لوکاں کُوں آکھیا، ”اِسرائیلیو! تُساں اِیں اُتے کیوں حیران تھیندے ہیوے تے ساکُوں اِینویں کیوں ڈیدھے پئے ہیوے جِینویں اساں آپنڑی قُدرت یا دینداری دے سببّوں اِیں منڈے کُوں ٹُرݨ پِھرݨ دے لائق بنڑا ڈِتے؟

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

اعمال 4:30

تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

اعمال 24:14

پر مَیں تُہاڈے سامنڑے اِقرار کریندا ہاں جو مسیح دی راہ جِینکُوں او بِدعت قرار ڈیندے ہِن اُوندے مطابق مَیں آپنڑے پِیُو ڈاڈا دے خُدا دی عبادت کریندا ہاں تے جیہڑا کُجھ توریت تے نبیاں دے صحائف ءچ لِکھیا ہے اُنہاں ساریاں اُتے میڈا اِیمان ہے۔

رومیوں 9:5

قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔

لُوقا 22:57

پر اُوں ایہ آکھ تے اِنکار کیتا جو ”عورت! مَیں اُونکُوں نئیں جانڑدا۔“