اعمال 28:8 - کِتاب مُقدّس سرائیکی ترجمہ

⁸ تے پُبلِیُس دا پِیُو بُخار تے دَست دے سببّوں بیمار ہا۔ پولُس اُوندی خبرگیری کرݨ گِیا تے دُعا دے بعد آپنڑے ہتھ اُوندے اُتے رکھے تے اُونکُوں شِفا ڈِتی۔

اعمال 28:8 Referans Kwoze

اعمال 9:40

پطرس اُنہاں ساریاں کُوں باہر کڈھ ڈِتا تے گوڈے ٹیک تے دُعا کیتی۔ وَل لاش دو مُڑ تے آکھیا ”تبِیتا! اُٹھی۔“ بس اُوں اکھیں کھول ڈِتیاں تے پطرس کُوں ڈیکھ تے اُٹھی تے بہہ گئی۔

مرقس 6:5

او کوئی معجزہ اُتھاں نہ ڈِکھا سگیا۔ صرف تھوڑے جِیہے بیماراں اُتے ہتھ رکھ تے اُنہاں کُوں شِفا ڈِتی۔

مرقس 16:18

نانگاں کُوں چا گِھنسن، تے جے کوئی زہریلی چیز پی گِھنسن تاں اُنہاں کُوں کُجھ نُقصان نہ تھیسی۔ او بیماراں اُتے ہتھ رکھیسن تے او چنگے تھی ویسن۔“

متّی 9:18

او اُنہاں کُوں ایہ گالھیں آدھا ای پِیا ہا جو ہِک سردار اُوندے پیراں ءچ ڈھے تے عرض کیتی، ”میڈی دِھی ہُنڑیں موئی ہے پر جے تُساں آ تے اُوندے اُتے آپنڑاں ہتھ رکھو تاں او زندہ تھی ویسی۔“

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

1کُرِنتھِیوں 12:9

کہیں کُوں اُونہئی رُوح نال اِیمان دی تے کہیں کُوں شِفا ڈیوݨ دی نعمت مِلدی ہے۔

متّی 10:8

بیماراں کُوں شِفا ڈیوائے۔ مُردیاں کُوں زندہ کرائے۔ کوڑھیاں کُوں پاک صاف کرائے۔ بدرُوحاں کُوں کڈھائے۔ تُہاکُوں مُفت مِلے، مُفت ڈیوائے۔

متّی 10:1

وَل یسُوع آپنڑے بارہاں شاگرداں کُوں کولھ سڈ تے اُنہاں کُوں بدرُوحاں کُوں کڈھنڑ تے سبھ بیماریاں تے تکلیفاں کنُوں شِفا ڈیوݨ دا اِختیار بخشیا۔

لُوقا 13:13

وَل اُوں آپنڑے ہتھ اُوندے اُتے رکھے تے او اُونہی ویلے سِدھی تھی گئی تے خُدا دی حمد کرݨ لگ پئی۔

لُوقا 4:40

سِجھ لہندے ای لوک آپنڑے گھراں ءچوں طرحاں طرحاں دے بیماراں کُوں یسُوع دے کولھ گِھن آئے تے اُوں ہر ہِک اُتے ہتھ رکھیا تے اُنہاں کُوں شِفا ڈِتی۔

مرقس 7:32

تے کُجھ لوک ہِک ڈورے کُوں جیہڑا مُشکل نال بُولیندا ہا اُوندے کولھ گِھن آئے تے اُوندی مِنت کیتی جو ”اُوندے اُتے آپنڑا ہتھ رکھو۔“

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

متّی 12:13

وَل اُوں اُوں بندے کُوں آکھیا، ”آپنڑا ہتھ ودھا۔“ اُوں ودھایا تے او اُوندے ڈُوجھے ہتھ آلی کار ٹھیک تھی گِیا۔

اعمال 28:7

اُوں جاہ دے نیڑے جزیرہ دے حاکم پُبلِیُس دی جاگیر ہا۔ او ساڈا اِستقبال کر تے آپنڑے گھر گِھن گِیا تے ترے ڈینہہ تئیں ساڈی چنگی مہمان نوازی کیتی۔

اعمال 28:9

جِیں ویلے اِینویں تھیّا تاں اُوں جزیرے دے باقی مریض وی آ تے شِفا پاوݨ لگے۔