اعمال 28:6 - کِتاب مُقدّس سرائیکی ترجمہ

⁶ او لوک اِنتظار ءچ ہَن جو اِیندا جِسم سُج سی تے او مر تے ڈھے پوسی پر بہُوں اِنتظار دے بعد جِیں ویلے پولُس کُوں کوئی تکلیف نہ تھئی تاں اُنہاں دا خیال بدل گِیا تے آکھیا جو ”ایہ ضرور کوئی دیوتا ہے۔“

اعمال 28:6 Referans Kwoze

اعمال 12:22

پر لوک چیخنڑ پے گئے جو ”ایہ تاں کہیں معبُود دی اواز ہے، اِنسان دی نئیں۔“

متّی 21:9

تے بِھیڑ جیہڑی اُوندے اگُوں تے پِچُھوں ٹُردی پئی ہئی نعرے مار مار تے آدھی ہئی، ”اِبنِ داؤد دی تمجید ہووے۔ مُبارک ہے او جیہڑا رب العالمین دے ناں کنُوں آندے۔ سبھ تُوں اُچے اسمان اُتے خُدا دی تمجید ہووے۔“

متّی 27:22

پِیلاطُس اُنہاں کُوں آکھیا، ”وَل مَیں یسُوع نال جیہڑا المسیح اکھویندے، کیا کراں؟“ سبھ آکھنڑ لگے جو ”اُونکُوں صلیب اُتے چڑھاؤ۔“

اعمال 8:10

تے چھوٹے تُوں وڈے تئیں سارے اُوندے دو توجہ کریندے تے آدھے ہَن جو ”ایہ بندہ خُدا دی او قُدرت ہے جِینکُوں وڈی اکھیندے ہِن۔“

اعمال 28:7

اُوں جاہ دے نیڑے جزیرہ دے حاکم پُبلِیُس دی جاگیر ہا۔ او ساڈا اِستقبال کر تے آپنڑے گھر گِھن گِیا تے ترے ڈینہہ تئیں ساڈی چنگی مہمان نوازی کیتی۔