اعمال 28:4 - کِتاب مُقدّس سرائیکی ترجمہ

⁴ جِیں ویلے جزیرہ دے لوکاں نانگ کُوں اُوندے ہتھ نال لٹکدے ڈِٹھا تاں آپس ءچ آکھنڑ لگے جو ”بے شک ایہ بندہ کوئی خونی ہے۔ ایہ سمندر ءچ مرݨ کنُوں تاں بچ گِیا ہے پر اِنصاف اُونکُوں زندہ نہ چھوڑیسی۔“

اعمال 28:4 Referans Kwoze

لُوقا 13:4

یا کیا او اٹھارہاں بندے جِنہاں اُتے شیلوخ دا بُرج ڈھٹھا تے او تلے آ تے مر گئے، یروشلیم دے باقی لوکاں کنُوں زیادہ قصُوروار ہَن؟

لُوقا 13:2

یسُوع جواب ءچ اُنہاں کُوں آکھیا جو ”کیا تُساں ایہ سمجھدے ہیوے جو اِنہاں گلیلیاں دا ایجھا بُرا انجام اِیں واسطے تھئے جو او باقی سارے گلیلیاں کنُوں زیادہ گُنہگار ہَن؟

اعمال 28:5

پر پولُس نانگ کُوں بھاہ ءچ چِھنڈک ڈِتا تے اُونکُوں کوئی تکلیف نہ تھئی۔

اعمال 28:2

اُتھوں دے لوک ساڈے نال وڈی مہربانی نال پیش آئے۔ اُنہاں بھاہ بال تے ساڈا اِستقبال کیتا کیوں جو بارش تھیندی پئی ہئی تے سردی ہئی۔

یُوحنّا 7:24

صرف ظاہر کُوں ڈیکھ تے فیصلہ نہ کرو بلکہ اِنصاف نال کرو۔“

متّی 23:35

اِینویں سارے نیک لوکاں دا خون جیہڑا زمین اُتے وہایا گِیا ہا، تُہاڈے اُتے آسی، راستباز ہابل دے خون تُوں گِھن تے برکیاہ دے پوتر زکریاہ دے خون تئیں جِینکُوں تُساں ہیکل تے قُربان گاہ دے وچال قتل کیتا۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

متّی 27:25

سارے لوکاں جواب ڈِتا، ”اِیندا خون ساڈے اُتے تے ساڈی نسل دی گردن اُتے!“

اعمال 28:3

جِیں ویلے پولُس لکڑیاں دا گٹھا جمع کر تے بھاہ ءچ سٹیا تاں بھاہ دی گرمی دی وجہ کنُوں ہِک نانگ باہر نِکل تے اُوندے ہتھ اُتے وَلھٹیج گِیا۔