اعمال 28:28 - کِتاب مُقدّس سرائیکی ترجمہ

²⁸ اِیں واسطے مَیں چاہندا ہاں جو تُساں جاݨ گِھنو جو خُدا دی نجات دا پیغام غیریہُودیاں دے کولھ وی بھیجیا گِیا ہے تے او اُونکُوں سُنڑسن۔“

اعمال 28:28 Referans Kwoze

اعمال 22:21

خُداوند میکُوں آکھیا، ’وَنج مَیں تیکُوں غیر قوماں دے کولھ بہُوں دُور بھجیساں‘۔“

لُوقا 3:6

تے سارے لوک خُدا دی نجات ڈیکھسن۔“

اعمال 18:6

جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“

اعمال 15:17

تاں جو باقی لوک یعنی ساریاں قوماں جیہڑیاں میڈے ناں تُوں اکھویندیاں ہِن، خُداوند کُوں گولھنڑ۔‘ ایہ اُوہو خُداوند فرمیندے

اعمال 15:14

شمعون تُہاکُوں ڈسائے جو خُدا پہلے کِینویں غیر قوماں اُتے نِگاہ کیتی تاں جو اُنہاں ءچوں لوکاں کُوں چُنڑ تے آپنڑے ناں دی ہِک اُمت بنڑا گِھنے۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

اعمال 11:18

جِیں ویلے اُنہاں ایہ سُنڑیا تاں چُپ تھی گئے تے خُدا دی حمد کر تے آکھنڑ لگے جو ”وَل تاں خُدا غیر قوماں کُوں وی زندگی حاصل کرݨ کیتے توبہ کرݨ دی توفیق ڈِتی ہے۔“

رومیوں 4:11

تے اُونکُوں ختنہ دا نشان اُوں راستبازی اُتے مُہر دے طور تے مِلیا، جیہڑی اُونکُوں ختنہ کرواوݨ تُوں پہلے اِیمان رکھنڑ دے سببّوں مِلی۔ اِینویں او اُنہاں ساریاں دا پِیُو ہے جیہڑے اِیمان گِھن آندے ہِن تے بھانویں اُنہاں دا ختنہ نئیں تھیّا، راستبازاں ءچ شمار کیتے ویندے ہِن۔

رومیوں 11:11

مَیں وَل اکھیندا ہاں، کیا اُنہاں ایجھا تُھڈا کھادے جو ڈھے پووݨ؟ ہرگز نئیں! بلکہ اُنہاں دی گُمراہی دے سببّوں غیریہُودیاں کُوں نجات حاصل کرݨ دا موقع مِلیا تاں جو یہُودیاں کُوں غیرت آوے۔

اعمال 13:38

بس بِھراؤ! تُساں جاݨ گِھنو جو یسُوع ای دے وسیلے تُہاکُوں گُناہاں دی معافی دی خبر ڈِتی ویندی ہے۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

اعمال 2:14

پر پطرس باقی یارہاں دے نال کھڑا تھیّا تے اُچی اواز ءچ لوکاں کُوں آکھیا، ”یہُودی بِھراؤ تے یروشلیم دے سارے راہنڑ آلیو! ایہ جاݨ گِھنو تے میڈی گالھ توجہ نال سُنڑو۔

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

اعمال 28:29

[جِیں ویلے پولُس ایہ آکھیا تاں یہُودی آپس ءچ تکرار کریندے ہوئے اُتھوں چلے گئے۔]