اعمال 28:17 - کِتاب مُقدّس سرائیکی ترجمہ

¹⁷ ترے ڈینہہ بعد پولُس یہُودی راہنماواں کُوں سڈوایا۔ جِیں ویلے او جمع تھئے تاں پولُس اُنہاں کُوں آکھیا، ”بِھراؤ، مَیں آپنڑی اُمت دے تے پِیُو ڈاڈا دیاں رسماں دے خلاف کوئی کم نئیں کیتا وَل وی میکُوں یروشلیم ءچ گرفتار کر تے رومیاں دے حوالے کر ڈِتا گئے۔

اعمال 28:17 Referans Kwoze

اعمال 25:8

پولُس آپنڑی صفائی ءچ ایہ آکھیا جو ”مَیں نہ تاں یہُودیاں دی شریعت دے خلاف کوئی قصُور کیتے، نہ ہیکل دے تے نہ ای قیصر بادشاہ دے خلاف۔“

اعمال 6:14

کیوں جو اساں اُونکُوں ایہ آدھے سُنڑیا ہے جو اِیہو یسُوع جیہڑا ناصرۃ دا ہے، اِیں مقام کُوں برباد کر ڈیسی تے اُنہاں رسماں کُوں بدل ڈیسی، جیہڑیاں مُوسیٰ ساکُوں ڈِتیاں ہِن۔“

اعمال 25:10

پولُس جواب ڈِتا، ”مَیں اِتھاں قیصر دی عدالت ءچ کھڑا ہاں۔ میڈے مقدمہ دا فیصلہ اِتھائیں تھیونڑا چاہیدے۔ تُساں خود وی چنگی طرحاں جانڑدے ہیوے جو مَیں یہُودیاں دا کوئی قصُور نئیں کیتا۔

اعمال 22:5

کاہِن ِ اعظم تے سارے بزُرگ میڈے گواہ ہِن جو بِھرانواں کیتے مَیں اُنہاں کنُوں خط گِھدے تے دمشق دو روانہ تھیّا جو اِیں راہ اُتے ٹُرݨ آلے جِتّی اُتھاں ہووݨ، اُنہاں کُوں وی بَدھ تے یروشلیم گِھن آواں تے سزا ڈیواں۔

اعمال 25:2

تے سردار کاہِناں تے یہُودی راہنماواں اُوندے حضُور آ تے پولُس دے خلاف فریاد کیتی۔

اعمال 23:33

جِیں ویلے گُھڑ سوار قیصریہ پُجے تاں اُنہاں گورنر کُوں خط ڈے تے پولُس کُوں اُوندے حضُور ءچ پیش کر ڈِتا۔

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔