اعمال 27:41 - کِتاب مُقدّس سرائیکی ترجمہ

⁴¹ پر جہاز ایجھی جاہ تے وَنج پِیا جِتھاں ڈوہائیں پاسُوں سمندر دا زور ہا۔ جہاز سُکی جاہ اُتے پُج تے ریت اُتے وَنج ٹِکیا۔ اُوندے اگُوں آلا حصہ تاں ریت ءچ دَھس گِیا پر پِچھلا حصہ چھلاں دے زور نال تِڑکنڑ لگا۔

اعمال 27:41 Referans Kwoze

اعمال 27:17

تے جِیں ویلے جہاز چلاوݨ آلیاں اُونکُوں جہاز اُتے چڑھا گِھدا تاں جہاز کُوں تروٹنڑ کنُوں بچاوݨ کیتے اُونکُوں رسیاں نال بَدھ ڈِتا۔ اُنہاں کُوں ڈر ہا جو جہاز سُورتِس دے نیڑے ریت دیاں ٹِبیاں ءچ پَھس ویسی، اِیں واسطے اُنہاں لنگر کُوں سمندر ءچ سَٹ ڈِتا۔

اعمال 27:30

جہاز چلاوݨ آلیاں جہاز تُوں بھج نِکلنڑ کیتے چھوٹی کشتی کُوں تلے لہایا پر ظاہر ایہ کیتا جو او جہاز دے اگُوں آلے حصہ کنُوں پانڑی ءچ لنگر سٹنڑ چاہندے ہَن۔

اعمال 27:40

بس لنگر کھول تے سمندر ءچ چھوڑ ڈِتے تے جہاز دا رُخ بدلنڑ آلے چپُوواں دیاں رسیاں وی کھول ڈِتیاں۔ سامنڑے دا پڑدہ کھول تے اُتے چڑھا ڈِتا تے کنارے دو ودھے۔

اعمال 27:42

سپاہیاں دی صلاح ہئی جو قیدیاں کُوں مار سٹنڑ کِتھائیں اِینویں نہ تھیوے جو اُنہاں ءچوں کوئی تیر تے بھج ونجے۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔