اعمال 27:24 - کِتاب مُقدّس سرائیکی ترجمہ

²⁴ تے آکھنڑ لگا، ’پولُس! اصلُوں نہ ڈر۔ تُوں رومی بادشاہ قیصر دے حضُور لازمی پیش تھیسیں تے تیڈی خاطر خُدا اُنہاں ساریاں دی جان بخش ڈِتی ہے جیہڑے جہاز اُتے تیڈے نال سفر کریندے پئے ہِن۔‘

اعمال 27:24 Referans Kwoze

اعمال 23:11

اُونہی رات خُداوند پولُس دے کولھ آ کھڑا تھیّا تے آکھیا، ”حوصلہ رکھ، جِینویں تَیں یروشلیم ءچ میڈی گواہی ڈِتی ہے، اُونویں ای تیکُوں روم ءچ گواہی ڈیونڑی پوسی۔“

متّی 10:28

اُنہاں کنُوں نہ ڈرو جیہڑے جِسم کُوں تاں قتل کر سگدے ہِن پر رُوح کُوں نئیں۔ بلکہ اُوں کنُوں ڈرو جیہڑا جِسم تے رُوح ڈوہائیں کُوں دوزخ ءچ سَٹ سگدے۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

مُکاشفہ 1:17

اُونکُوں ڈیکھ تے مَیں اُوندے پیراں ءچ بے جان جِیہا تھی تے ڈھے پِیا، پر اُوں آپنڑا سجا ہتھ میڈے اُتے رکھیا تے آکھیا جو ”خوف نہ کر، مَیں اوّل تے آخر ہاں۔

اعمال 27:37

اساں سارے ڈُو سو چھہتر بندے ہسے جیہڑے اُوں جہاز اُتے سوار ہَن۔

اعمال 27:44

تے باقی لکڑ دے پھٹیاں اُتے تے جہاز دیاں بنڑیاں چیزاں دی مدد نال آپنڑی جان بچاوݨ۔ بس اِیں طرحاں سارے دے سارے خشکی اُتے سلامت پُج گئے۔

اعمال 25:11

جے مَیں قصُوروار ہاں یا مَیں موت دی سزا دے لائق کوئی کم کیتا ہے تاں میکُوں مرݨ تُوں اِنکار نئیں۔ پر جیہڑے اِلزامات یہُودی میڈے اُتے لیندے پئے ہِن، جے او کُوڑے ہِن تاں وَل کہیں کُوں حق نئیں جو میکُوں اُنہاں دے حوالے کرے۔ مَیں قیصر کُوں اپیل کریندا ہاں۔“

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

یُوحنّا 11:9

یسُوع جواب ڈِتا، ”کیا ڈینہہ ءچ بارہاں گھنٹے نئیں ہوندے؟ جیہڑا بندہ ڈینہہ ءچ ٹُردے، تُھڈا نئیں کھاندا، اِیں واسطے جو او دُنیا دے سوجھلے کُوں ڈیدھے۔

متّی 10:18

تُساں میڈی وجہ کنُوں حاکماں تے بادشاہاں دے سامنڑے حاضر کیتے ویسو تاں جو اُنہاں، تے غیر قوماں کیتے گواہی ہووے۔

اعمال 27:31

تاں پولُس صوبہ دار تے سپاہیاں کُوں آکھیا، ”جے ایہ لوک جہاز اُتے نہ راہسن تاں تُساں نئیں بچ سگدے۔“

اعمال 27:42

سپاہیاں دی صلاح ہئی جو قیدیاں کُوں مار سٹنڑ کِتھائیں اِینویں نہ تھیوے جو اُنہاں ءچوں کوئی تیر تے بھج ونجے۔

فِلیمون 1:22

ہِک بئی گزارش ایہ وی ہے جو میڈے راہنڑ کیتے جاہ تیار رکھیں کیوں جو میکُوں اُمید ہے جو تُہاڈیاں دُعاواں دے وسیلے مَیں قید کنُوں چُھٹ تے تُہاڈے ءچ آ ویساں۔