اعمال 27:20 - کِتاب مُقدّس سرائیکی ترجمہ

²⁰ جِیں ویلے بہُوں ڈینہاں تئیں نہ تاں سِجھ ڈِٹھا نہ تارے تے شدید طوفان چلدا پِیا ہا تاں بچنڑ دی آخری اُمید وی ختم تھی گئی۔

اعمال 27:20 Referans Kwoze

متّی 24:29

تے فوراً اُنہاں ڈینہاں دی مُصیبت دے بعد سِجھ اندھارا تھی ویسی تے چَن آپنڑی روشنی نہ ڈیسی، تے اسمان کنُوں تارے ڈھاسن، تے اسمان دیاں طاقتاں ہلائیاں ویسن۔

1تھِسّلُنیکیوں 4:13

بِھراؤ! اساں نئیں چاہندے جو تُساں اُنہاں اِیمانداراں دے حال دے بارے ءچ ناواقف راہو جیہڑے سَم گئے ہِن، تاں جو تُساں اُنہاں وانگُوں غم نہ کرو جِنہاں کُوں کوئی اُمید نئیں۔

اِفِسیوں 2:12

اُوں ویلے تُساں مسیح کنُوں جُدا، بنی اِسرائیل دے غیر شہری، اُنہاں نال کیتے ہوئے عہداں دے وعدیاں کنُوں اَݨسُوویں تے دُنیا ءچ نا اُمید تے خُدا کنُوں ناواقف ہَوے۔

2کُرِنتھِیوں 11:25

ترے پھیری میکُوں بینت نال ماریا گِیا، ہِک پھیری میں سنگسار کیتا گِیا، ترے پھیری میڈا جہاز تباہ تھیّا، تے ہِک ڈینہہ تے ہِک رات مَیں کُھلے سمندر ءچ گُزاری۔

اعمال 27:19

تریجھے ڈینہہ اُنہاں آپنڑے ای ہتھاں نال جہاز دا ضروری سامان وی سَٹ ڈِتا۔

اعمال 27:21

بہُوں عرصے تُوں اُنہاں کُجھ نہ کھادا ہا تاں آخر کار پولُس اُنہاں دے اَدھ ءچ کھڑا تھی تے آکھیا، ”بِھراؤ! جے تُساں میڈی نصیحت منیندے تے کریتے کنُوں روانہ نہ تھیندے تاں ایہ نُقصان تے ڈُکھ نہ چیندے۔