اعمال 27:2 - کِتاب مُقدّس سرائیکی ترجمہ

² اساں ادرمُتیُّم تُوں ہِک جہاز اُتے سوار تھی تے روانہ تھئے جیہڑا آسِیہ دی ساحلی بندرگاہاں کنُوں تھیندا ہویا اگُوں ونجنڑ آلا ہا تے تھِسّلُنِیکے دا ارِسترخُس مَکِدُنی ساڈے نال ہا۔

اعمال 27:2 Referans Kwoze

اعمال 19:29

سارے شہر ءچ افراتفری مچ گئی تے لوکاں گِیُس تے ارِسترخُس مَکِدُنیہ آلیاں کُوں جیہڑے پولُس نال آئے ہَن پکڑ گِھدا تے اُنہاں کُوں گھلیندے ہوئے تماشا گاہ دو بھج پئے۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

اعمال 28:16

روم پُجنڑ تُوں بعد پولُس کُوں ہِک پہرے دار دی نِگرانی ءچ کلھا راہنڑ دی اِجازت مِل گئی۔

اعمال 28:12

پہلے اساں سرَکُوسہ پُجے تے ترے ڈینہہ اُتھاں ریہے۔

اعمال 28:10

اُنہاں ساکُوں بہُوں عزت ڈِتی تے اگُوں ونجنڑ دے وقت سفر کیتے ساڈی ضرورت دیاں ساریاں چیزاں جہاز اُتے رکھوا ڈِتیاں۔

اعمال 28:2

اُتھوں دے لوک ساڈے نال وڈی مہربانی نال پیش آئے۔ اُنہاں بھاہ بال تے ساڈا اِستقبال کیتا کیوں جو بارش تھیندی پئی ہئی تے سردی ہئی۔

اعمال 21:5

جِیں ویلے او ڈینہہ لنگھ گئے تاں اساں اُتھوں کنُوں اگُوں ونجنڑ کیتے روانہ تھئے تے ساریاں ذالاں تے بالاں سمیت ساکُوں شہر کنُوں باہر تئیں پُچایا۔ وَل سمندر دے کنارے اساں گوڈے ٹیک تے دُعا منگی۔

اعمال 19:19

تے بہُوں سارے جادُوگراں آپنڑیاں کتاباں کُوں کٹھا کر تے سبھ لوکاں دے سامنڑے بھاہ لا ڈِتی تے جِیں ویلے اُنہاں کتاباں دی قیمت دا اندازہ کیتا گِیا تاں او پنجھاہ ہزار چاندی دے سِکے ہئی۔

اعمال 17:1

اِیندے بعد پولُس تے سِیلاس، امفِپُلِس تے اَپُلّونیہ ءچوں تھیندے ہوئے تھِسّلُنِیکے آئے جِتھاں یہُودیاں دا ہِک عبادت خانہ ہا۔

اعمال 16:17

او پولُس تے ساڈے پِچُھوں آ تے چیخنڑ لگ پئی جو ”ایہ لوک خُدا تعالیٰ دے خادم ہِن جیہڑے تُہاکُوں نجات دا رستہ ڈسیندے ہِن۔“

اعمال 2:9

اساں تاں پارتھی، مادی، عِیلامی، مسوپتامیہ، یہُودیہ، کپَدُکیہ، پُنطُس، آسِیہ،

لُوقا 8:22

وَل ہِک ڈینہہ یسُوع تے اُوندے شاگرد کشتی ءچ سوار تھئے تے اُوں اُنہاں کُوں آکھیا، ”آؤ جھیل دے پار جُلوں۔“ بس او روانہ تھئے۔