اعمال 27:18 - کِتاب مُقدّس سرائیکی ترجمہ

¹⁸ ڈُوجھے ڈینہہ جِیں ویلے جہاز طوفانی ہوا ءچ بہُوں ای لوڈے کھاوݨ لگا تاں اُنہاں جہاز کُوں ہولا کرݨ کیتے مال سمندر ءچ سٹنڑ شروع کر ڈِتا۔

اعمال 27:18 Referans Kwoze

اعمال 27:38

جِیں ویلے اُنہاں پیٹ بھر تے کھا گِھدا تاں اُنہاں ساریاں دانڑیاں کُوں سمندر ءچ سَٹ ڈِتا، تاں جو جہاز ہولا تھی ونجے۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

اعمال 27:19

تریجھے ڈینہہ اُنہاں آپنڑے ای ہتھاں نال جہاز دا ضروری سامان وی سَٹ ڈِتا۔

لُوقا 16:8

مالک اُوں بے اِیمان مُنشی دی تعریف کیتی اِیں واسطے جو اُوں وڈی ہوشیاری نال کم گِھدا ہا۔ کیوں جو اِیں دُنیا دے فرزند آپنڑے جِیہے لوکاں نال دُنیا داری دے معاملات ءچ نُور دے فرزنداں کنُوں زیادہ ہوشیار ہِن۔

متّی 16:26

بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟ یا بندہ آپنڑی جان دے بدلے کیا ڈیسی؟

لُوقا 12:23

کیوں جو جان خوراک کنُوں تے بدن پُشاک کنُوں ودھ تے ہے۔