اعمال 27:11 - کِتاب مُقدّس سرائیکی ترجمہ

¹¹ پر صوبہ دار پولُس دے گالھیں سُنڑݨ دی بجائے جہاز دے مالک تے اُوندے کپتان دے گالھیں کُوں زیادہ اہمیت ڈِتی۔

اعمال 27:11 Referans Kwoze

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

اعمال 27:21

بہُوں عرصے تُوں اُنہاں کُجھ نہ کھادا ہا تاں آخر کار پولُس اُنہاں دے اَدھ ءچ کھڑا تھی تے آکھیا، ”بِھراؤ! جے تُساں میڈی نصیحت منیندے تے کریتے کنُوں روانہ نہ تھیندے تاں ایہ نُقصان تے ڈُکھ نہ چیندے۔

مُکاشفہ 18:17

صرف ہِک گھنٹے ءچ اُوندی اِتنی وڈی دولت برباد تھی گئی“ تے بحری جہازاں دے سارے کپتان، مسافر، جہاز چلاوݨ آلے تے جتنے وی سمندر دے ذریعے تجارت کریندے ہَن، دُور کھڑے تھی ویسن۔

یعقُوب 3:4

سمندری جہازاں کُوں وی ڈیکھو، بھانویں او وڈے وڈے ہوندن تے تیز ہواواں نال چلائے ویندن، وَل وی ہِک چھوٹے چپُو دے ذریعے چلاوݨ آلے دی مرضی دے مطابق موڑے وَنج سگدن۔