اعمال 26:5 - کِتاب مُقدّس سرائیکی ترجمہ

⁵ او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔

اعمال 26:5 Referans Kwoze

اعمال 23:6

جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

اعمال 22:3

”مَیں یہُودی ہاں تے کلکیہ دے شہر تَرسُس ءچ پیدا تھیّا، پر میڈی تربیت اِیں شہر ءچ گملی ایل دے پیراں ءچ تھئی۔ مَیں پِیُو ڈاڈا دی شریعت اُتے پابندی نال عمل کرݨ دی تعلیم گِھدی۔ مَیں خُدا کیتے ایجھا جوشیلا ہم جِینویں اَج تُساں ہیوے۔

اعمال 24:5

اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

اعمال 22:5

کاہِن ِ اعظم تے سارے بزُرگ میڈے گواہ ہِن جو بِھرانواں کیتے مَیں اُنہاں کنُوں خط گِھدے تے دمشق دو روانہ تھیّا جو اِیں راہ اُتے ٹُرݨ آلے جِتّی اُتھاں ہووݨ، اُنہاں کُوں وی بَدھ تے یروشلیم گِھن آواں تے سزا ڈیواں۔

اعمال 24:14

پر مَیں تُہاڈے سامنڑے اِقرار کریندا ہاں جو مسیح دی راہ جِینکُوں او بِدعت قرار ڈیندے ہِن اُوندے مطابق مَیں آپنڑے پِیُو ڈاڈا دے خُدا دی عبادت کریندا ہاں تے جیہڑا کُجھ توریت تے نبیاں دے صحائف ءچ لِکھیا ہے اُنہاں ساریاں اُتے میڈا اِیمان ہے۔

اعمال 15:5

پر فریسیاں دے فرقہ ءچوں جیہڑے اِیمان گِھن آئے ہَن، کُجھ کھڑے تھی تے آکھنڑ لگے جو ”غیریہُودیاں ءچوں اِیمان گِھن آوݨ آلیاں دا ختنہ کراوݨ تے اُنہاں کُوں مُوسیٰ دی شریعت اُتے عمل کرݨ دا حُکم ڈیوݨ ضرور ہے۔“