اعمال 26:29 - کِتاب مُقدّس سرائیکی ترجمہ

²⁹ پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ فقط تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“

اعمال 26:29 Referans Kwoze

اِفِسیوں 6:20

جیندی خاطر مَیں زنجیراں نال بدھیا ہویا مسیح دا ایلچی ہاں۔ تے دُعا کرو جو مَیں اُونکُوں ایجھی دلیری نال بیان کراں جِینویں میڈے اُتے فرض ہے۔

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

رومیوں 10:1

بِھراؤ! اِسرائیلی قوم کیتے میڈی دِلی خواہش تے خُدا کنُوں میڈی دُعا ہے جو او نجات پاوݨ۔

اعمال 21:33

پلٹن دے سپہ سالار نیڑے آ تے اُونکُوں گرفتار کر تے ڈُو زنجیراں نال بدھنڑ دا حُکم ڈِتا۔ وَل پُچھیا ایہ بندہ کوݨ ہے تے اِینیں کیا کیتے؟

2کُرِنتھِیوں 11:1

کاش جو تُساں میڈی ذرا جیہی بیوقُوفی برداشت کریندے! ہا، برداشت تاں تُساں کریندے ای ہیوے۔

1کُرِنتھِیوں 7:7

مَیں تاں چاہندا ہاں جو جِینویں مَیں ہاں سارے بندے اُونویں ہووݨ۔ پر ہر ہِک کُوں خُدا دی طرفوں اَنج اَنج نعمت مِلی ہے، کہیں کُوں کوئی، کہیں کُوں کوئی۔

1کُرِنتھِیوں 4:8

واہ جی واہ! تُساں تاں پہلے کنُوں ای رجے ہوئے ہیوے! پہلے کنُوں ای دولت مند ہیوے! تُساں ساڈے بغیر بادشاہی وی کرݨ لگے ہیوے! کاش تُساں واقعی بادشاہی کریندے تاں جو اساں وی تُہاڈے نال بادشاہی کر سگدے!

اعمال 25:14

تے اُنہاں دے کُجھ ڈینہہ تئیں اُتھاں راہنڑ دے بعد فیستُس پولُس دے مقدمہ دا حال بادشاہ کُوں اِینویں بیان کیتا جو ”اِتھاں ہِک بندہ ہے جِینکُوں فیلِکس قید ءچ چھوڑ گِیا ہے۔

اعمال 12:6

جِیں ویلے ہیرودیس اُونکُوں پیشی کیتے گِھن آوݨ آلا ہا تاں اُونہی رات پطرس ڈُو زنجیراں نال بدھیا ہویا، ڈُو سپاہیاں دے اَدھ ءچ سُتا پِیا ہا تے پہرے دار دروازہ اُتے قید خانہ دی نگہبانی کریندے پئے ہَن۔

یُوحنّا 5:34

مَیں آپنڑے بارے ءچ اِنسان دی گواہی منظور نئیں کریندا وَل وی مَیں ایہ گالھیں اِیں واسطے کریندا ہاں جو تُساں نجات پاؤ۔