اعمال 26:28 - کِتاب مُقدّس سرائیکی ترجمہ

²⁸ اگرِپّا پولُس کُوں آکھیا، ”کیا تُوں سوچیندیں جو میکُوں تھوڑی جیہی تبلیغ کر تے مسیحی بنڑݨ اُتے قائل کر سگدیں؟“

اعمال 26:28 Referans Kwoze

اعمال 11:26

تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

متّی 10:18

تُساں میڈی وجہ کنُوں حاکماں تے بادشاہاں دے سامنڑے حاضر کیتے ویسو تاں جو اُنہاں، تے غیر قوماں کیتے گواہی ہووے۔

1 پطرس 4:16

پر جے کوئی مسیح دا بندہ ہووݨ دے سببّوں ڈُکھ چاوے تاں شرماوے نہ بلکہ خُدا دی تعریف کرے جو او اِیں ناں تُوں سڈیا ویندے۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

اعمال 26:29

پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ فقط تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

مرقس 6:20

کیوں جو ہیرودیس بادشاہ یُوحنّا کُوں ہِک نیک تے پاک بندہ جاݨ تے اُوندے کنُوں ڈردا ہا تے اُوندی حفاظت کریندا ہا۔ او اُوندے گالھیں سُنڑ تے بہُوں حیران تھی ویندا، پر وَل وی خوشی نال سُنڑدا ہا۔

اعمال 26:27

اگرِپّا بادشاہ! کیا تُساں نبیاں کُوں منیندے ہیوے؟ مَیں جانڑدا ہاں جو تُساں منیندے ہیوے۔“