اعمال 26:20 - کِتاب مُقدّس سرائیکی ترجمہ

²⁰ بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔

اعمال 26:20 Referans Kwoze

اعمال 3:19

بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

متّی 3:8

بس ایجھے کم کرو جو نظر آوے جو تُساں توبہ کیتی ہے۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

مُکاشفہ 2:5

بس یاد کر جو تُوں کِتھوں ڈھٹھا ہیں۔ توبہ کر تے، اُوہو کم کر جیہڑے پہلے کریندا ہَویں، نہ تاں مَیں تیڈے کولھ آ تے تیڈے چراغ کُوں اُوندی جاہ کنُوں ہٹا ڈیساں۔

متّی 9:13

پر تُساں وَنج تے اِیندا مطلب پتہ کرو جو ’مَیں قُربانی نئیں بلکہ رحم پسند کریندا ہاں۔‘ کیوں جو مَیں راستبازاں کُوں نئیں بلکہ گُنہگاراں کُوں سڈݨ آیا ہاں۔“

مُکاشفہ 3:3

اِیں واسطے یاد کر جو جیہڑی تعلیم تَیں گِھدی تے سُنڑی ہئی، اُوندے اُتے قائم رہ تے توبہ کر گِھن۔ پر جے تُوں نیندر کنُوں نہ جاگسیں تاں مَیں چور وانگُوں آساں تے تیکُوں پتہ وی نہ ہوسی جو مَیں کیہڑے ویلے تَیں اُتے آ پوساں۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

2کُرِنتھِیوں 7:10

کیوں جو جیہڑا ڈُکھ خُدا دے مقصد دے مطابق ہوندے، او ایجھی توبہ پیدا کریندے جیہڑا نجات دو گِھن ویندے۔ اِیندے نال پچھتاوا نئیں تھیندا، پر دُنیاوی ڈُکھ موت پیدا کریندے۔

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

2کُرِنتھِیوں 3:16

پر جِیں ویلے کہیں دا دل خُداوند دو رجُوع کریسی تاں او پڑدہ ہٹا ڈِتا ویسی۔

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

اعمال 26:17

مَیں تیکُوں تیڈے لوکاں تے غیر قوماں کنُوں بچیندا راہساں، جِنہاں دے کولھ تیکُوں بھجیندا پِیا ہاں،

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

اعمال 17:30

خُدا ماضی دی ایجھی جہالت کُوں نظرانداز کر ڈِتا پر ہُنڑ او سارے اِنساناں کُوں ہر جاہ حُکم ڈیندے جو توبہ کرݨ۔

اعمال 15:19

بس میڈا فیصلہ ایہ ہے جو غیر قوماں ءچوں جیہڑے لوک خُدا دو رجُوع کریندے ہِن اُنہاں کُوں اساں تکلیف نہ ڈیؤں۔

اعمال 11:18

جِیں ویلے اُنہاں ایہ سُنڑیا تاں چُپ تھی گئے تے خُدا دی حمد کر تے آکھنڑ لگے جو ”وَل تاں خُدا غیر قوماں کُوں وی زندگی حاصل کرݨ کیتے توبہ کرݨ دی توفیق ڈِتی ہے۔“

اعمال 9:35

وَل لُدہ تے شارُون شہر دے سارے راہنڑ آلے اُونکُوں ڈیکھ تے خُداوند اُتے اِیمان گِھن آئے۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

لُوقا 15:7

مَیں تُہاکُوں آدھا ہاں جو اِینویں ای ودھانوے (99) راستبازاں دی نسبت جِنہاں کُوں توبہ کرݨ دی ضرورت کائنی، ہِک توبہ کرݨ آلے گُنہگار دی وجہ کنُوں اسمان اُتے زیادہ خوشی کیتی ویسی۔

لُوقا 13:5

مَیں تُہاکُوں آدھا ہاں جو نئیں! بلکہ جے تُساں توبہ نہ کریسو تاں سارے اِینویں ای ہلاک تھیسو۔“

لُوقا 13:3

مَیں تُہاکُوں آدھا ہاں جو نئیں! بلکہ جے تُساں توبہ نہ کریسو تاں سارے اِینویں ای ہلاک تھیسو۔

لُوقا 1:16

تے بنی اِسرائیل دے بہُوں سارے لوکاں کُوں خُداوند دی راہ اُتے جیہڑا اُنہاں دا خُدا ہے ولا گِھن آسی۔

مرقس 6:12

بس شاگرداں روانہ تھی تے تبلیغ کیتی جو ”توبہ کرو۔“

متّی 4:17

اُوں ویلے تُوں یسُوع تبلیغ کرݨ تے ایہ آکھنڑ شروع کیتا، ”توبہ کرو کیوں جو اسمان دی بادشاہی نیڑے آ گئی ہے۔“

متّی 3:2

”توبہ کرو کیوں جو اسمان دی بادشاہی نیڑے آ گئی ہے۔“

مُکاشفہ 16:11

تے آپنڑے ڈُکھاں تے مَلّیاں دی وجہ کنُوں اسمان دے خُدا دے ناں دی توہین کرݨ لگے پر اُنہاں آپنڑے کماں تُوں توبہ نہ کیتی۔

مُکاشفہ 2:21

مَیں اُونکُوں مُہلت ڈِتی ہے جو او آپنڑی بدکرداری تُوں توبہ کرے پر او توبہ کرݨ نئیں چاہندی۔

اعمال 26:19

اِیں واسطے اگرِپّا بادشاہ! مَیں اُوں اسمانی رویا دا نافرمان نئیں تھیّا۔