اعمال 26:2 - کِتاب مُقدّس سرائیکی ترجمہ

² ”اگرِپّا بادشاہ! مَیں آپنڑے آپ کُوں خوش قسمت سمجھدا ہاں جو تُہاڈے سامنڑے یہُودیاں دے اِلزاماں دے جواب ءچ آپنڑی صفائی پیش کریندا پِیا ہاں۔

اعمال 26:2 Referans Kwoze

لُوقا 12:11

تے جیہڑے ویلے او تُہاکُوں عبادت خانیاں ءچ تے حاکماں تے اِختیار آلیاں دے کولھ گِھن ونجنڑ تاں فِکر نہ کرائے جو اساں کِینویں یا کیا جواب ڈیؤں، یا کیا آکھوں،

اعمال 26:1

اِیں گالھوں اگرِپّا بادشاہ پولُس کُوں آکھیا، ”تیکُوں آپنڑے حق ءچ بولنڑ دی اِجازت ہے۔“ اِیں واسطے پولُس ہتھ چا تے آپنڑی صفائی پیش کرݨ لگا جو

اعمال 26:3

خاص کر اِیں واسطے جو تُساں سارے یہُودی رسم و رواج تے مسئلیاں تُوں واقف ہیوے۔ اِیں واسطے مَیں مِنت کریندا ہاں جو تُساں صبر نال میڈی سُنڑو۔

اعمال 26:7

اُونہی وعدے دے پُورے تھیوݨ دی اُمید اُتے ساڈے بارہاں دے بارہاں قبیلے ڈینہہ رات دل و جان نال خُدا دی عبادت کریندے راہندے ہِن۔ پر بادشاہ سلامت! اِیں اُمید دے سببّوں یہُودی میڈے اُتے مقدمہ دائر کریندے پئے ہِن۔

متّی 10:19

پر جِیں ویلے او تُہاکُوں پکڑواوݨ تاں فِکر نہ کرائے جو اساں کِینویں تے کیا آکھوں کیوں جو جیہڑا کُجھ آکھنڑا ہوسی اُوں ویلے تُہاکُوں ڈسا ڈِتا ویسی۔

لُوقا 21:12

پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

اعمال 25:26

پر قیصر کُوں لِکھنڑ کیتے میڈے کولھ کوئی خاص گالھ نئیں، اِیں واسطے مَیں اُونکُوں تُہاڈے سامنڑے تے خاص کر اگرِپّا بادشاہ تُہاڈے سامنڑے حاضر کیتے تاں جو تفتیش دے بعد کوئی ایجھی گالھ معلوم تھیوے جِینکُوں مَیں قیصر کُوں لِکھ تے بھیج سگاں۔

اعمال 26:19

اِیں واسطے اگرِپّا بادشاہ! مَیں اُوں اسمانی رویا دا نافرمان نئیں تھیّا۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔