اعمال 25:4 - کِتاب مُقدّس سرائیکی ترجمہ

⁴ پر فیستُس جواب ڈِتا ”پولُس تاں قیصریہ ءچ قید ہے تے مَیں خود وی جلدی اُتھاں ونجنڑ آلا ہاں۔

اعمال 25:4 Referans Kwoze

اعمال 24:23

تے صوبہ دار کُوں حُکم ڈِتا جو پولُس کُوں پہرے ءچ تاں رکھیا ونجے پر زیادہ سختی نہ کیتی ونجے تے اِیندے ساتھیاں ءچوں کہیں کُوں اُوندی خدمت کرݨ تُوں منع نہ کیتا ونجے۔

اعمال 8:40

وَل فِلپُس اشدُود ءچ وَنج نِکلیا تے قیصریہ ءچ پُجنڑ تئیں سارے شہراں ءچ خوشخبری سُنڑیندا گِیا۔

اعمال 24:27

ڈُو سالاں بعد فیلِکس دی جاہ پُرکِیُس فیستُس گورنر مقرر تھیّا تے فیلِکس خود کُوں یہُودیاں دا خیر خواہ ثابت کرݨ کیتے پولُس کُوں قید ءچ ای چھوڑ گِیا۔

اعمال 25:1

فیستُس صوبے ءچ پُجنڑ دے ترے ڈینہہ بعد قیصریہ تُوں یروشلیم گِیا۔

اعمال 25:5

بس تُہاڈے ءچوں کُجھ اِختیار آلے لوک میڈے نال ونجنڑ تے جے اُوں واقعی کوئی غلط کم کیتے تاں اُتھائیں اُوندے اُتے مقدمہ دائر کیتا ونجے۔“

اعمال 25:6

او اُنہاں ءچ اَٹھ ڈاہ ڈینہہ ریہا تے وَل قیصریہ چلیا گِیا۔ اُتھاں ڈُوجھے ای ڈینہہ تخت ِ عدالت اُتے بہہ تے حُکم ڈِتا جو پولُس کُوں حاضر کیتا ونجے۔

اعمال 25:13

کُجھ ڈینہہ بعد اگرِپّا بادشاہ تے برنِیکے، قیصریہ آئے تاں جو فیستُس نال مُلاقات کر سگنڑ۔

اعمال 25:16

مَیں اُنہاں کُوں ڈسایا جو رومی دستور دے مطابق کوئی بندہ سزا پاوݨ کیتے حوالہ نئیں کیتا وَنج سگدا جئیں تئیں جو اُونکُوں آپنڑے اِلزام لاوݨ آلیاں دے آمنڑے سامنڑے اُنہاں دے اِلزام دے بارے آپنڑی سچائی پیش کرݨ دا موقع نہ ڈِتا ونجے۔