اعمال 25:11 - کِتاب مُقدّس سرائیکی ترجمہ

¹¹ جے مَیں قصُوروار ہاں یا مَیں موت دی سزا دے لائق کوئی کم کیتا ہے تاں میکُوں مرݨ تُوں اِنکار نئیں۔ پر جیہڑے اِلزامات یہُودی میڈے اُتے لیندے پئے ہِن، جے او کُوڑے ہِن تاں وَل کہیں کُوں حق نئیں جو میکُوں اُنہاں دے حوالے کرے۔ مَیں قیصر کُوں اپیل کریندا ہاں۔“

اعمال 25:11 Referans Kwoze

اعمال 28:19

پر جِیں ویلے یہُودیاں مخالفت کیتی تاں مَیں مجبوراً رومی بادشاہ قیصر کُوں اپیل کیتی، پر اِیں واسطے نئیں جو مَیں آپنڑی ای قوم اُتے کوئی اِلزام لاوݨ چاہندا ہم۔

اعمال 26:32

اگرِپّا بادشاہ فیستُس کُوں آکھیا جو ”جے ایہ بندہ قیصر کُوں اپیل نہ کریندا تاں چُھٹ سگدا ہا۔“

اعمال 25:25

پر میکُوں معلوم تھئے جو اِیں قتل دے لائق ایجھا کوئی جُرم نئیں کیتا تے جِیں ویلے اُوں شہنشاہ کُوں اپیل کیتی تاں مَیں اِینکُوں اُتھائیں بھیج ڈیوݨ دا فیصلہ کیتا۔

اعمال 25:21

پر پولُس اپیل کر ڈِتی جو اُوندے مقدمے دا فیصلہ شہنشاہ دی عدالت ءچ تھیوے۔ اِیں واسطے مَیں حُکم ڈِتے جو او قیصر دے کولھ ونجنڑ تئیں حوالات ءچ بند راہوے۔“

1تھِسّلُنیکیوں 2:15

یہُودیاں خُداوند یسُوع کُوں تے نبیاں کُوں وی مار سٹیا تے ساکُوں وی بہُوں ستایا۔ او لوک خُدا کُوں پسند نئیں، تے سارے لوکاں دے دُشمنڑ ہِن،

اعمال 25:10

پولُس جواب ڈِتا، ”مَیں اِتھاں قیصر دی عدالت ءچ کھڑا ہاں۔ میڈے مقدمہ دا فیصلہ اِتھائیں تھیونڑا چاہیدے۔ تُساں خود وی چنگی طرحاں جانڑدے ہیوے جو مَیں یہُودیاں دا کوئی قصُور نئیں کیتا۔

اعمال 22:25

جِیں ویلے او کوڑے لاوݨ کیتے پولُس کُوں بدھنڑ لگے تاں اُوں، اُوں رومی افسر کُوں جیہڑا نال ای کھڑا ہا آکھیا، ”کیا ہِک رومی شہری کُوں اُوندا جُرم ثابت کیتے بغیر کوڑیاں نال مارݨ جائز ہے؟“

اعمال 18:14

پولُس کُجھ بولنڑ ای آلا ہا جو گلیّو یہُودیاں کُوں آکھیا، ”یہُودیو! جے ایہ کہیں جُرم یا کہیں وڈی شرارت دی گالھ ہوندی تاں مَیں لازمی تُہاڈی سُنڑدا۔

اعمال 16:37

پر پولُس جواب ڈِتا ”اُنہاں ساکُوں جیہڑے رومی شہری ہیں، ساڈا قصُور ثابت کیتے بغیر ساریاں دے سامنڑے ماریا کٹوایا تے قید خانہ ءچ سَٹ ڈِتا تے ہُنڑ چُپ کر تے چھوڑ ڈیوݨ چاہندے ہِن؟ اِینویں نئیں تھی سگدا بلکہ او خود اِتھاں آوݨ تے ساکُوں قید خانہ ءچوں باہر گِھن ونجنڑ۔“

اعمال 25:12

وَل فیستُس آپنڑے مُشیراں نال مشورہ کر تے جواب ڈِتا ”تُوں قیصر کُوں اپیل کیتی ہے تاں تُوں قیصر دے کولھ ای ویسیں۔“