اعمال 25:10 - کِتاب مُقدّس سرائیکی ترجمہ

¹⁰ پولُس جواب ڈِتا، ”مَیں اِتھاں قیصر دی عدالت ءچ کھڑا ہاں۔ میڈے مقدمہ دا فیصلہ اِتھائیں تھیونڑا چاہیدے۔ تُساں خود وی چنگی طرحاں جانڑدے ہیوے جو مَیں یہُودیاں دا کوئی قصُور نئیں کیتا۔

اعمال 25:10 Referans Kwoze

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

اعمال 28:18

تفتیش کرݨ تُوں بعد او میکُوں چھوڑ ڈیوݨ چاہندے ہَن کیوں جو مَیں کوئی ایجھا کم نہ کیتا ہا جو میکُوں سزائے موت ڈِتی ونجے۔

اعمال 26:31

تے باہر نِکل تے ہِک ڈُوجھے کُوں آکھنڑ لگے، ”ایہ بندہ کُجھ ایجھا نئیں کریندا جو اِینکُوں موت دی سزا ڈِتی ونجے یا قید ءچ رکھیا ونجے۔“

اعمال 25:25

پر میکُوں معلوم تھئے جو اِیں قتل دے لائق ایجھا کوئی جُرم نئیں کیتا تے جِیں ویلے اُوں شہنشاہ کُوں اپیل کیتی تاں مَیں اِینکُوں اُتھائیں بھیج ڈیوݨ دا فیصلہ کیتا۔

متّی 27:18

کیوں جو اُونکُوں پتہ ہا جو اُنہاں اُونکُوں حسد نال پکڑوائے۔

اعمال 25:17

بس جِیں ویلے او لوک اِتھاں آئے تاں مَیں کُجھ دیر نہ کیتی بلکہ ڈُوجھے ڈینہہ ای تخت ِ عدالت اُتے بہہ تے اُوں بندے کُوں گِھن آوݨ دا حُکم ڈِتا۔

اعمال 25:6

او اُنہاں ءچ اَٹھ ڈاہ ڈینہہ ریہا تے وَل قیصریہ چلیا گِیا۔ اُتھاں ڈُوجھے ای ڈینہہ تخت ِ عدالت اُتے بہہ تے حُکم ڈِتا جو پولُس کُوں حاضر کیتا ونجے۔

اعمال 23:29

تے پتہ لگیا جو اُنہاں دا اِلزام اُنہاں دی شریعت دے مسئلیاں نال تعلق رکھیندے پر اُوندے خلاف ایجھا کوئی اِلزام نئیں جیندی وجہ تُوں اُونکُوں موت یا قید دی سزا ڈِتی ونجے۔

متّی 27:19

جِیں ویلے پِیلاطُس عدالت دے تخت اُتے بیٹھا ہا تاں اُوندی ذال اُونکُوں ایہ پیغام بھیجیا جو ”اِیں نیک بندے دے خلاف کُجھ نہ کرو کیوں جو مَیں اَج خواب ءچ اِیندی وجہ کنُوں بہُوں ڈُکھ چاتے۔“