اعمال 24:24 - کِتاب مُقدّس سرائیکی ترجمہ

²⁴ کُجھ ڈینہاں بعد فیلِکس آپنڑی ذال دُروسِلہ کُوں جیہڑی یہُودی ہئی نال گِھن تے آیا۔ اُوں پولُس کُوں سڈوا بھیجیا تے یسُوع مسیح اُتے اِیمان گِھن آوݨ دے بارے ءچ اُوندے گالھیں سُنڑیاں۔

اعمال 24:24 Referans Kwoze

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

مُکاشفہ 14:12

اِیں واسطے مُقدّساں یعنی خُدا دے حُکماں اُتے عمل کرݨ آلیاں تے یسُوع اُتے اِیمان رکھنڑ آلیاں کُوں صبر کرݨ دی ضرورت ہے۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

گلتِیوں 3:2

مَیں تاں تُہاڈے کنُوں صرف ایہ پُچھنڑ چاہندا ہم جو کیا رُوح القُدس تُہاکُوں شریعت اُتے عمل کرݨ نال حاصل تھئے یا پیغام کُوں سُنڑ تے اُوندے اُتے اِیمان گِھن آوݨ نال؟

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

اعمال 26:22

پر مَیں خُدا دی مدد نال اَج تئیں ہر چھوٹے وڈے دے سامنڑے گواہی ڈیندا ہاں۔ مَیں اُنہاں گالھیں دے سِوا کُجھ نئیں آدھا جِنہاں دی پیشن گوئی نبیاں تے مُوسیٰ کیتی ہے،

اعمال 16:31

اُنہاں جواب ڈِتا، ”خُداوند یسُوع مسیح اُتے اِیمان گِھن آ تاں تُوں تے تیڈا خاندان نجات پے سی۔“

لُوقا 23:8

جِیں ویلے ہیرودیس یسُوع کُوں ڈِٹھا تاں بہُوں خوش تھیّا کیوں جو اُونکُوں بہُوں عرصے کنُوں یسُوع کُوں ڈیکھنڑ دی خواہش ہئی، اِیں واسطے جو اُوں اُوندے بارے ءچ بہُوں گالھیں سُنڑیاں ہَن۔ تے اُونکُوں اُمید ہئی جو اُوں کنُوں کوئی معجزہ تھیندا ڈیکھ سگسی۔

لُوقا 19:3

او یسُوع کُوں ڈیکھنڑ دی کوشش کریندا ہا جو کیہڑا ہے پر بِھیڑ دے سببّوں ڈیکھ نہ سگدا ہا، اِیں واسطے جو اُوندا قد چھوٹا ہا۔

مرقس 6:20

کیوں جو ہیرودیس بادشاہ یُوحنّا کُوں ہِک نیک تے پاک بندہ جاݨ تے اُوندے کنُوں ڈردا ہا تے اُوندی حفاظت کریندا ہا۔ او اُوندے گالھیں سُنڑ تے بہُوں حیران تھی ویندا، پر وَل وی خوشی نال سُنڑدا ہا۔

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“