اعمال 24:22 - کِتاب مُقدّس سرائیکی ترجمہ

²² وَل فیلِکس جیہڑا مسیح دی راہ دے بارے ءچ چنگی طرحاں جانڑدا ہا، ایہ آکھ تے مقدمہ ملتوی کر ڈِتا جو ”جِیں ویلے پلٹن دا سپہ سالار لُوسِیاس اِتھاں آسی تاں مَیں تُہاڈے مقدمہ دا فیصلہ کریساں۔“

اعمال 24:22 Referans Kwoze

اعمال 26:3

خاص کر اِیں واسطے جو تُساں سارے یہُودی رسم و رواج تے مسئلیاں تُوں واقف ہیوے۔ اِیں واسطے مَیں مِنت کریندا ہاں جو تُساں صبر نال میڈی سُنڑو۔

اعمال 25:26

پر قیصر کُوں لِکھنڑ کیتے میڈے کولھ کوئی خاص گالھ نئیں، اِیں واسطے مَیں اُونکُوں تُہاڈے سامنڑے تے خاص کر اگرِپّا بادشاہ تُہاڈے سامنڑے حاضر کیتے تاں جو تفتیش دے بعد کوئی ایجھی گالھ معلوم تھیوے جِینکُوں مَیں قیصر کُوں لِکھ تے بھیج سگاں۔

اعمال 24:24

کُجھ ڈینہاں بعد فیلِکس آپنڑی ذال دُروسِلہ کُوں جیہڑی یہُودی ہئی نال گِھن تے آیا۔ اُوں پولُس کُوں سڈوا بھیجیا تے یسُوع مسیح اُتے اِیمان گِھن آوݨ دے بارے ءچ اُوندے گالھیں سُنڑیاں۔

اعمال 24:14

پر مَیں تُہاڈے سامنڑے اِقرار کریندا ہاں جو مسیح دی راہ جِینکُوں او بِدعت قرار ڈیندے ہِن اُوندے مطابق مَیں آپنڑے پِیُو ڈاڈا دے خُدا دی عبادت کریندا ہاں تے جیہڑا کُجھ توریت تے نبیاں دے صحائف ءچ لِکھیا ہے اُنہاں ساریاں اُتے میڈا اِیمان ہے۔

اعمال 24:10

جِیں ویلے گورنر پولُس کُوں بولنڑ دا اِشارہ کیتا تاں اُوں جواب ڈِتا، ”کیوں جو مَیں جانڑدا ہاں جو تُساں بہُوں سالاں تُوں اِیں قوم دی عدالت کریندے ہیوے، اِیں واسطے مَیں خوشی نال آپنڑی صفائی پیش کریندا ہاں۔

اعمال 24:6

اِینیں تاں ہیکل کُوں وی ناپاک کرݨ دی کوشش کیتی ہئی۔ اِیں واسطے اساں اِینکُوں پکڑ گِھدے۔ [اساں آپنڑی شریعت دے مطابق اِیندے اُتے مقدمہ چلاوݨ چاہندے ہسے۔

اعمال 18:20

پر جِیں ویلے اُنہاں اُونکُوں درخاست کیتی جو ساڈے کولھ کُجھ دیر بِیا رہ تاں اُوں منظور نہ کیتی،

متّی 2:7

وَل ہیرودیس مجُوسیاں کُوں چُپ کر تے آپنڑے کولھ سڈیا تے اُوں تارے دے ظاہر تھیوݨ دا ٹھیک ویلا دریافت کیتا۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

اعمال 19:40

ساکُوں تاں خطرہ ہے جو اَج دے ہنگامے دے مُجرم نہ کھڑائے ونجُوں کیوں جو اِیں تماشے دے بارے ءچ ساڈے کولھ کوئی جواب نئیں۔“