اعمال 23:21 - کِتاب مُقدّس سرائیکی ترجمہ

²¹ پر تُساں اُنہاں دی گالھ نہ منائے کیوں جو اُنہاں ءچوں چالیہہ تُوں زیادہ اُوندے اُتے حملہ کرݨ دی تاڑ ءچ ہِن، جِنہاں قَسم کھادی ہے جو پولُس کُوں قتل کیتے بغیر نہ تاں اساں کُجھ کھاسوں تے نہ ای کُجھ پِیسوں تے ہُنڑ او تیار ہِن۔ صرف تُہاڈے فیصلے دا اِنتظار ہے۔“

اعمال 23:21 Referans Kwoze

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

اعمال 25:3

اُنہاں پولُس دی مخالفت ءچ گورنر کُوں درخاست کیتی جو او پولُس کُوں یروشلیم ءچ سڈوا بھیجے کیوں جو اُنہاں تاڑ لا تے اُونکُوں رستے ءچ مارݨ دا منصوبہ بنڑایا ہا۔

اعمال 20:19

مَیں بہُوں عاجزی نال، تے ہنجُو وہا وہا تے خُداوند دی خدمت کریندا ریہا، تے میکُوں یہُودیاں دی وڈیاں وڈیاں سازشاں دا سامنڑا کرنڑا پِیا ہا۔

لُوقا 11:54

تے اُوندی تاڑ ءچ ریہے تاں جو اُوندے مُنہ دی کوئی گالھ پکڑن۔

اعمال 23:22

بس سپہ سالار اُوں نوجوان کُوں ایہ حُکم ڈے تے بھیج ڈِتا جو ”اِنہاں گالھیں دا جیہڑیاں تَیں میکُوں ڈسائیاں، کہیں کُوں پتہ نہ لگے۔“