اعمال 23:11 - کِتاب مُقدّس سرائیکی ترجمہ

¹¹ اُونہی رات خُداوند پولُس دے کولھ آ کھڑا تھیّا تے آکھیا، ”حوصلہ رکھ، جِینویں تَیں یروشلیم ءچ میڈی گواہی ڈِتی ہے، اُونویں ای تیکُوں روم ءچ گواہی ڈیونڑی پوسی۔“

اعمال 23:11 Referans Kwoze

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

اعمال 18:9

ہِک رات خُداوند پولُس کُوں رویا ءچ آکھیا، ”خوف نہ کر بلکہ آدھا وَنج تے چُپ نہ رہ،

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

متّی 14:27

پر یسُوع اُنہاں کُوں فوراً آکھیا، ”حوصلہ رکھو۔ مَیں ہاں۔ ڈرو نہ۔“

فِلِپّیوں 1:13

اِتُھوں تئیں جو شاہی محل دے سارے سپاہیاں تے باقی لوکاں کُوں صاف پتا چل گئے جو مَیں مسیح دی خاطر قید ءچ ہاں۔

متّی 9:2

تے لوک ہِک فالج دے مریض کُوں اُوندے کولھ گِھن آئے جیہڑا کَھٹ اُتے ہا۔ یسُوع اُنہاں دا اِیمان ڈیکھ تے فالج دے مریض کُوں آکھیا، ”پوتر حوصلہ رکھ، تیڈے گُناہ معاف تھئے۔“

اعمال 22:18

مَیں خُداوند کُوں ڈِٹھا تے ایہ آدھے سُنڑیا جو ’جلدی کر تے فوراً یروشلیم ءچوں نِکل وَنج کیوں جو او میڈے بارے ءچ تیڈی گواہی قبول نہ کریسن۔‘

اعمال 20:22

ڈیکھو ہُنڑ مَیں رُوح دا پابند تھی تے یروشلیم ویندا پِیا ہاں تے میکُوں پتہ نئیں جو اُتھاں میڈے نال کیا تھیسی۔

اعمال 2:25

کیوں جو داؤد اُوندے بارے ءچ آدھا ہے جو ’مَیں رب کُوں ہمیشاں آپنڑے سامنڑے ڈیدھا ریہا کیوں جو او میڈے سجے پاسُوں ہے تاں جو مَیں ہلایا نہ وَنجاں۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

یُوحنّا 14:18

مَیں تُہاکُوں یتیم نہ چُھڑیساں، مَیں تُہاڈے کولھ آساں۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

لُوقا 16:28

کیوں جو میڈے پنج بِھرا ہِن تاں جو او اُنہاں دے سامنڑے اِنہاں گالھیں دی گواہی ڈیوے، اِینویں نہ تھیوے جو او وی اِیں عذاب آلی جاہ ءچ آ ونجنڑ۔‘

اعمال 22:15

کیوں جو تُوں سارے لوکاں دے سامنڑے اُنہاں گالھیں دی جیہڑیاں تَیں سُنڑیاں تے ڈِٹھیاں ہِن، گواہی ڈیسیں۔

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟