اعمال 22:3 - کِتاب مُقدّس سرائیکی ترجمہ

³ ”مَیں یہُودی ہاں تے کلکیہ دے شہر تَرسُس ءچ پیدا تھیّا، پر میڈی تربیت اِیں شہر ءچ گملی ایل دے پیراں ءچ تھئی۔ مَیں پِیُو ڈاڈا دی شریعت اُتے پابندی نال عمل کرݨ دی تعلیم گِھدی۔ مَیں خُدا کیتے ایجھا جوشیلا ہم جِینویں اَج تُساں ہیوے۔

اعمال 22:3 Referans Kwoze

اعمال 26:5

او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔

اعمال 9:11

خُداوند اُونکُوں آکھیا ”اُٹھ، اُوں گلی ءچ وَنج جیہڑی سِدھی اکھویندی ہے تے یہُوداہ دے گھر ءچ ساؤل ناں دے ہِک بندے کیتے پُچھیں جیہڑا تَرسُس شہر دا ہے۔ ڈیکھ او دُعا کریندا پئے،

اعمال 5:34

پر گملی ایل ناں دے ہِک فریسی جیہڑا شریعت دا عالم تے سارے لوکاں ءچ عزت دار ہا، عدالت ءچ کھڑا تھی تے حُکم ڈِتا جو اِنہاں بندیاں کُوں تھوڑی دیر کیتے باہر کر ڈیؤ۔

اعمال 21:39

پولُس آکھیا، ”مَیں یہُودی ہاں تے کلکیہ دے مشہور شہر تَرسُس دا راہنڑ آلا ہاں۔ مَیں تُہاڈی مِنت کریندا ہاں جو میکُوں لوکاں نال گالھ کرݨ دی اِجازت ڈیؤ۔“

اعمال 21:20

ایہ سُنڑ تے اُنہاں خُدا دی حمد کیتی تے وَل اُونکُوں آکھیا، ”بِھرا! تُوں آپ ڈیدھیں جو ہزاراں یہُودی اِیمان گِھن آئے ہِن تے او سارے شریعت اُتے عمل کرݨ ءچ بہُوں جوشیلے ہِن۔

2کُرِنتھِیوں 11:22

کیا او عبرانی ہِن؟ مَیں وی ہاں۔ کیا او اِسرائیلی ہِن؟ مَیں وی ہاں۔ کیا او ابرہام دی اولاد ہِن؟ مَیں وی ہاں۔

لُوقا 10:39

مَرتھا دی ہِک بھینڑ ہئی جِیندا ناں مریم ہا۔ او خُداوند دے پیراں دے کولھ بہہ تے اُوندا کلام سُنڑدی پئی ہئی۔

رومیوں 11:1

اِیں واسطے مَیں پُچھدا ہاں، کیا خُدا آپنڑی قوم کُوں رَد کر ڈِتے؟ ہرگز نئیں! کیوں جو مَیں وی اِسرائیلی تے ابرہام دی نسل ءچوں ہاں تے بِنیمِین دے قبیلہ ءچوں ہاں۔

اعمال 23:6

جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

اعمال 6:9

کُرینی، اِسکندرِیہ، کلکیہ تے آسِیہ دے کُجھ لوک اُوں عبادت خانہ دے ہَن جیہڑا آزاد کیتے گئے غُلاماں دا اکھویندے۔ او ستِفُنس نال بحث کرݨ لگے۔

گلتِیوں 1:21

اِیندے بعد مَیں سُوریہ تے کلکیہ دے علاقیاں ءچ گِیا۔

گلتِیوں 1:14

مَیں یہُودی طور طریقے ءچ آپنڑے ہم عُمر یہُودیاں کنُوں زیادہ ودھدا ویندا ہم تے بزُرگاں دیاں روایتاں اُتے غیرت نال عمل کریندا ہم۔

اعمال 23:34

گورنر خط پڑھ تے پُچھیا، ”ایہ کیہڑے صوبے دا ہے؟“ تے ایہ معلوم کر تے جو کلکیہ دا ہے

اعمال 15:41

پولُس سُوریہ تے کلکیہ ءچوں تھیندا ہویا کلیسیاواں کُوں مضبوط کریندا گِیا۔

اعمال 15:23

تے اُنہاں دے ہتھ ایہ خط بھیجیا جو رسُولاں تے بزُرگ بِھرانواں دی طرفوں انطاکِیہ، سُوریہ تے کلکیہ دے اُنہاں مسیحی بِھرانواں کُوں جیہڑے غیر قوماں ءچوں ہِن، سلام پُجے۔

اعمال 11:25

وَل برنباس ساؤل دی گولھ ءچ تَرسُس کُوں روانہ تھی گِیا۔

اعمال 9:30

جِیں ویلے بِھرانواں کُوں ایہ پتہ لگیا تاں اُونکُوں قیصریہ ءچ گِھن گئے تے تَرسُس کُوں روانہ کر ڈِتا۔

لُوقا 8:35

لوک اِیں ماجرے کُوں ڈیکھنڑ کیتے نِکلے تے یسُوع دے کولھ آ تے اُوں بندے کُوں جیندے ءچوں بدرُوحاں نِکلیاں ہَن کپڑے پاتے تے ہوش ءچ یسُوع دے قدماں ءچ بیٹھے ڈِٹھا تاں ڈر گئے۔

لُوقا 2:46

ترے ڈینہہ بعد اُنہاں اُونکُوں ہیکل ءچ عالماں دے وچال بیٹھے، اُنہاں دی سُنڑدے تے اُنہاں نال سوال کریندے ڈِٹھا۔

اعمال 9:1

ساؤل جیہڑا ہُنڑ تئیں خُداوند دے شاگرداں کُوں دھمکاوݨ تے قتل کرݨ دی دُھن ءچ ہا، کاہِن ِ اعظم کولھ گِیا،

اعمال 26:9

ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔