اعمال 22:25 - کِتاب مُقدّس سرائیکی ترجمہ

²⁵ جِیں ویلے او کوڑے لاوݨ کیتے پولُس کُوں بدھنڑ لگے تاں اُوں، اُوں رومی افسر کُوں جیہڑا نال ای کھڑا ہا آکھیا، ”کیا ہِک رومی شہری کُوں اُوندا جُرم ثابت کیتے بغیر کوڑیاں نال مارݨ جائز ہے؟“

اعمال 22:25 Referans Kwoze

اعمال 16:37

پر پولُس جواب ڈِتا ”اُنہاں ساکُوں جیہڑے رومی شہری ہیں، ساڈا قصُور ثابت کیتے بغیر ساریاں دے سامنڑے ماریا کٹوایا تے قید خانہ ءچ سَٹ ڈِتا تے ہُنڑ چُپ کر تے چھوڑ ڈیوݨ چاہندے ہِن؟ اِینویں نئیں تھی سگدا بلکہ او خود اِتھاں آوݨ تے ساکُوں قید خانہ ءچوں باہر گِھن ونجنڑ۔“

اعمال 25:16

مَیں اُنہاں کُوں ڈسایا جو رومی دستور دے مطابق کوئی بندہ سزا پاوݨ کیتے حوالہ نئیں کیتا وَنج سگدا جئیں تئیں جو اُونکُوں آپنڑے اِلزام لاوݨ آلیاں دے آمنڑے سامنڑے اُنہاں دے اِلزام دے بارے آپنڑی سچائی پیش کرݨ دا موقع نہ ڈِتا ونجے۔

اعمال 27:43

پر صوبہ دار پولُس دی زندگی بچاوݨ کیتے اُنہاں کُوں اِیں اِرادے تُوں روک ڈِتا تے حُکم ڈِتا جو جیہڑے تیر سگدے ہِن او پہلے سمندر ءچ ٹپّا مار تے خشکی اُتے پُج ونجنڑ۔

اعمال 23:17

وَل پولُس ہِک صوبہ دار کُوں سڈوایا تے آکھیا جو ”اِیں نوجوان کُوں پلٹن دے سپہ سالار دے کولھ گِھن وَنج کیوں جو ایہ اُونکُوں کُجھ ڈساوݨ چاہندا ہے۔“

اعمال 27:3

ڈُوجھے ڈینہہ جِیں ویلے جہاز صیدا ءچ کھڑا تھیّا تاں یُولِیُس مہربانی کر تے پولُس کُوں دوستاں نال مُلاقات کرݨ دی اِجازت ڈے ڈِتی تاں جو اُوندی خدمت تھی سگے۔

اعمال 27:1

جِیں ویلے ایہ فیصلہ تھیّا جو اساں جہاز ءچ اِطالِیہ ویسوں تاں پولُس تے کُجھ ڈُوجھے قیدی شہنشاہی پلٹن دے ہِک صوبہ دار دے سپُرد کر ڈِتے گئے جِیندا ناں یُولِیُس ہا۔

اعمال 10:1

قیصریہ ءچ کُرنیلیُس ناں دا ہِک بندہ ہا۔ او رومی فوج دے اطالوی دستے دا صوبیدار ہا۔

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

متّی 8:8

صوبیدار جواب ءچ آکھیا، ”مالک! مَیں اِیں لائق نئیں جو تُساں میڈی چھت تلے آؤ بلکہ صرف آکھ ڈیؤ تاں میڈا نوکر شِفا پا گِھنسی۔

متّی 10:17

پر لوکاں کنُوں خبردار رہوائے کیوں جو او تُہاکُوں پکڑ تے عدالتاں ءچ پیش کریسن تے آپنڑے عبادت خانیاں ءچ تُہاکُوں کوڑے مریسن۔

اعمال 22:26

صوبہ دار ایہ سُنڑیا تاں او پلٹن دے سپہ سالار دے کولھ گِیا تے اُنہاں کُوں خبر ڈے تے آکھیا، ”تُساں کیا کریندے ہیوے؟ ایہ بندہ تاں رومی ہے۔“

اعمال 23:27

اِیں بندے کُوں یہُودی پکڑ تے مارݨ آلے ای ہَن جو مَیں سپاہیاں کُوں گِھن گِیا تے اُونکُوں چُھڑوا گِھدا کیوں جو میکُوں معلوم تھیّا ہا جو او ہِک رومی شہری ہے۔