اعمال 22:20 - کِتاب مُقدّس سرائیکی ترجمہ

²⁰ تے جِیں ویلے تیڈے شہید ستِفُنس دا خون وہایا ویندا پِیا ہا تاں مَیں وی اُتھائیں موجود ہم تے اُوندے قتل اُتے راضی تے اُونکُوں قتل کرݨ آلیاں دے کپڑیاں دی حفاظت کریندا پِیا ہم۔‘

اعمال 22:20 Referans Kwoze

اعمال 8:1

تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

اعمال 7:58

تے اُونکُوں شہر کنُوں باہر کڈھ تے سنگسار کرݨ لگے تے اُوندے خلاف گواہی ڈیوݨ آلیاں آپنڑے کپڑے ساؤل ناں دے ہِک جوان دے پیراں کولھ رکھ ڈِتے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

رومیوں 1:32

بھانویں او خُدا دا ایہ حُکم جانڑدے ہِن جو ایجھے کم کرݨ آلے موت دی سزا دے حقدار ہِن، وَل وی نہ صرف او آپ اِیہو کم کریندے ہِن بلکہ ایجھا کرݨ آلے کُوں چنگا سمجھدے ہِن۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

اعمال 26:10

اِیں واسطے مَیں یروشلیم ءچ اِینویں ای کیتا۔ مَیں سردار کاہِناں کنُوں اِختیار گِھن تے بہُوں سارے مُقدّساں کُوں قید ءچ سٹیا تے جِیں ویلے اُنہاں کُوں سزائے موت سُنڑائی ویندی ہئی تاں مَیں وی اِیہو صلاح ڈیندا ہم۔

لُوقا 11:48

بس تُساں گواہ ہیوے تے آپنڑے پِیُو ڈاڈے دے کماں کُوں پسند کریندے ہیوے کیوں جو اُنہاں تاں اُنہاں کُوں قتل کیتا ہا تے تُساں اُنہاں دے مزار بنڑیندے ہیوے۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔