اعمال 21:8 - کِتاب مُقدّس سرائیکی ترجمہ

⁸ ڈُوجھے ڈینہہ اساں روانہ تھئے تے قیصریہ ءچ پُج تے فِلپُس ناں دے ہِک بندے دے گھر ٹِکے جیہڑا نجات دی خوشخبری سُنڑیندا ہا تے یروشلیم ءچ چُنڑے ہوئے سَت مددگاراں ءچوں ہا۔

اعمال 21:8 Referans Kwoze

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

2 تِیمُتھِیُس 4:5

پر تُوں ہر حال ءچ ہوشیار رہ، ڈُکھ برداشت کر، خوشخبری دی تبلیغ کر، تے آپنڑی خدمت کُوں پُورا کر۔

اعمال 28:16

روم پُجنڑ تُوں بعد پولُس کُوں ہِک پہرے دار دی نِگرانی ءچ کلھا راہنڑ دی اِجازت مِل گئی۔

اعمال 16:13

سبت دے ڈینہہ اساں شہر دے پھاٹک ءچوں نِکل تے دریا دے کنارے گئے کیوں جو اساں سمجھیا ہا جو اُتھاں دُعا کرݨ دی جاہ ہوسی۔ اساں اُتھاں بہہ گئے تے کُجھ عورتاں نال جیہڑیاں اُتھاں جمع تھی گئیاں ہَن، کلام کرݨ لگے۔

اعمال 16:10

اُوندی رویا دے بعد اساں فوراً مَکِدُنیہ ونجنڑ دا اِرادہ کیتا کیوں جو اساں ایہ سمجھیا جو خُدا ساکُوں اُتھوں دے لوکاں ءچ خوشخبری سُنڑاوݨ کیتے سڈیا ہے۔

اعمال 9:30

جِیں ویلے بِھرانواں کُوں ایہ پتہ لگیا تاں اُونکُوں قیصریہ ءچ گِھن گئے تے تَرسُس کُوں روانہ کر ڈِتا۔

اعمال 28:11

ترے مہینے بعد اساں اِسکندرِیہ دے ہِک جہاز ءچ روانہ تھئے جیہڑا سیالا گُزارݨ کیتے اُوں جزیرے ءچ رُکیا پِیا ہا۔ اِیں جہاز دا نشان جاڑا دیوتا ہا۔

اعمال 27:1

جِیں ویلے ایہ فیصلہ تھیّا جو اساں جہاز ءچ اِطالِیہ ویسوں تاں پولُس تے کُجھ ڈُوجھے قیدی شہنشاہی پلٹن دے ہِک صوبہ دار دے سپُرد کر ڈِتے گئے جِیندا ناں یُولِیُس ہا۔

اعمال 23:23

سردار آپنڑے ڈُو صوبہ داراں کُوں سڈوا تے آکھیا، ”پلٹن دے ڈُو سو سپاہی، ستّر گُھڑ سوار تے ڈُو سو نیزہ بردار رات دے نؤں وجے قیصریہ ونجنڑ کیتے تیار رکھائے۔“

اعمال 20:13

اساں اگُوں وَنج تے جہاز اُتے اسُّس کُوں روانہ تھئے تاں جو اُتھوں پولُس کُوں جہاز اُتے سوار کر گِھنوں کیوں جو اُوں پہلے کنُوں ای اُتھاں پیدل پُج ونجنڑ دا اِرادہ کر گِھدا ہا۔

اعمال 20:6

پر اساں بے خمیری روٹی دی عید دے بعد فِلپی کنُوں جہاز ءچ روانہ تھئے تے پنج ڈینہہ بعد تروآس ءچ اُنہاں کُوں وَنج مِلے تے سَت ڈینہہ تئیں اُتھائیں ریہے۔

اعمال 18:22

او قیصریہ ءچ پُج تے یروشلیم چلیا گِیا تے کلیسیا کُوں سلام کیتا تے وَل انطاکِیہ دو روانہ تھی گِیا۔

اعمال 16:16

جِیں ویلے اساں دُعا آلی جاہ دو ویندے پئے ہسے تاں ساکُوں ہِک کنیز مِلی جیندے ءچ ہِک ایجھی بدرُوح ہئی جیندے ذریعے او فال گِیری کریندی ہئی۔ او کنیز قسمت دا حال ڈسا تے آپنڑے مالکاں کیتے بہُوں کمائی کریندی ہئی۔

اعمال 10:1

قیصریہ ءچ کُرنیلیُس ناں دا ہِک بندہ ہا۔ او رومی فوج دے اطالوی دستے دا صوبیدار ہا۔

اعمال 21:16

قیصریہ دے کُجھ شاگرد وی ساڈے نال ٹُر پئے تے ساکُوں مَنَاسون دے گھر گِھن آئے جِتھاں اساں ٹِکنڑاں ہا۔ مَنَاسون کُپرُس دا راہنڑ آلا ہا تے پُرانڑے شاگرداں ءچوں ہا۔